+26 °С
Салкым
Антитеррор
Вань иворъёс
Общество
25 Октябрь 2019, 14:27

Милемыз Канлы гурт пумитаз

Толон, 24-тӥ коньывуонэ, Канлы гуртысь удмуртъёс доры вуылӥм.

Канлы - Кушнаренко ёросысь одӥг гинэ удмурт гурт. Со 250 ар талэсь азьло кылдэмын. Историез эскероно ке, Канлы гуртлэн кыкетӥ нимыз но вань - Ямская. Малы ке шуоно татын азьло ямской (почтовой) станцизы луэм. Канлыос туж шулдыр интые, тыос дуре улыны интыяськиллям. Гуртсы вӧзын Канлы, Покчи но Длинное тыос вань. Кыдёкын ик ӧвӧл Белая шур бызе.
Вакытаз Канлыын улӥсьёс Чапаев нимо колхозын тыршиллям. Али тросэз ужаны Кушнаренкое, Уфае ветло. Канлыын удмурт школазы луэм. Жаляса верано, 2013-тӥ арын со ворсаськем. Али пиналъёс бускель Ахметово гуртысь школаын дышетско.
Тодмотэм интые мыныса, ас кожад гинэ материал люканы уг луы. Шумпотӥськом но тау кылъёсмес вераськом Ахметово школаысь завучлы Фаниля Шаймутдиновалы, удмурт кылъя дышетӥсьлы Тамара Сайфутдиновалы, Канлы гуртысь клубен кивалтӥсьлы Яник Шаймутдиновлы.
Канлые вуыса, ми туж мыло-кыдо адямиосын пумиськылӥм. Соосын газет бамъёсын тодматомы.
Читайте нас: