+17 °С
Салкым
Антитеррор
Вань иворъёс
Общество
16 Октябрь 2019, 14:04

Сюрес вылын сак луоме!

Берло дыре Башкортостанын сюрес вылын пыдын ветлӥсьёсын герӟаськем кышкыт учыръёслэн лыдзы трослы йылэм. ГИБДД-ын ивортэмзыя, укмыс толэзь куспын сюрес вылын 805 сыӵе кышкыт учыр луэм.

Тросаз учыръёсын пешеходъёс янгыш вылӥллям – сюрес вылын ветлон куронъёсты тӥяллям. Сизьымдон куинь авариын пешеходъёс улонэн люкиськиллям. Соос пӧлысь 58-эз - ачиз янгышамен.
Эскеронъёс возьмато: ДТП-ос пеймыт дыръя ӵем луо, пешеходъёслэн бордазы светоотражательёссы луымтэен, яке ульчаосысь юбоосын тылъёс ӝуамтэысь но мукет.
Нылпиос сярысь вунэтоно ӧвӧл! Тросэз вазь ӵукна школае мыныны потто. Бордазы одно ик светоотражательёссы мед луоз. Сюрес вылын ветлон правилоос сярысь но пиналъёсын вераськонъёс радъяно.
Читайте нас: