Сюлмам - яратоно Башкортостанэ

Макем со дуно но мусо! Со тыршись, ужаз вормонъёс басьтылӥсь калыкеныз дано луэ.

Республикаямы пӧртэм калыкъёс тупаса но эшъяськыса уло. Соослэсь культуразэс, йылолъёссэс, праздникъёссэс утёнлы Башкортостанын бадӟым саклык висъяське.

Котькуд элькунлэн аслаз азинскем сюресэз. Башкортостанлэн но историез туж узыр. Милесьтым дано батыръёсмес, кылсярысь, Салават Юлаевез, кунгож сьӧрын но тодо. Сое кылбуръёсын, кырӟанъёсын данъяло. Дано батырмы сярысь олокӧня книгаос поттэмын. Шаерамы трос кылбурчиос, гожъясьёс, пӧртэм удысъёсын тыршем сӥё-дано ужасьёс будэмын.

Зэм, котькуд адямилы дуно аслаз вордскем интыез. Мынам сюлмам – яратоно Башкортостанэ.

Карина СУФИЯТОВА.

Янаул ёросысь Шудек школа.