+28 °С
Салкым
Антитеррор
Вань иворъёс
Общество
11 Октябрь 2019, 10:08

Асьмелэн одӥг дормы - данъяськымон башкир шаермы!

Туннэ - Республикалэн нуналэз!

Ӵуказе Башкортостанын улӥсь калык понна бадӟым праздник. 11-тӥ коньывуон – Республикалэн нуналэз. Аръёс ӵоже сое пӧртэм сямен пусйылӥзы. Озьы ке но та нуналлэн пуштросэз – вордӥськем шаереныд данъяськон мылкыд - ноку ӧз воштӥськы.
Историысь чуръёс
Туэ Башкортостан 100 ар тырмонзэ пусйиз. 1919-тӥ арын 20-тӥ южтолэзе Москваын Башкирилэн автономиез сярысь соглашение кутэмын. 23-тӥ южтолэзе ужкагазэн «Известия ВЦИК» газетын тодматӥзы. Совето вакытэ сое республикалэн кылдэм нуналэз шуыса пусйизы. Нош 1990-тӥ арын 11-тӥ коньывуонэ кун суверенитет сярысь декларация кутӥзы. Озьы БашАССР Башкортостанлы пӧрмиз. Нош кык ар ортчем бере та нуналэз праздникен ялӥзы.
Укмыстонэтӥ аръёс историе кылемын. Соин туннэ Республикалэн нуналэз сярысь вераку, тросэз суверенитет сярысь тодазы уг ваё ни, вордӥськем шаерзэс гажамзэс, башкир музъемын улӥсь калыкен данъяськемзэс верало. Пӧртэм удысъёсын сюлмысь тыршись калык Башкирилэн узырлыкез луэ угось.
Кыкетӥ дауре сюрес усьтыса
Республикамы кыкетӥ даурзэ бадӟымесь воштӥськонъёсын но вормонъёсын пумита. Туэ регионмылы выль Тӧро бырйимы. Выль кивалтэт азяз секыт ужпумъёс пуктэ. Озьы ке но соос пӧлысь котькудӥз быдэстыны луымон. Республикалэн Тӧроез Радий Хабиров оске, лэсьтэм ужзылэн емышез калыклы шӧдскымон луоз шуыса.
Башкортостанлэсь азинскем сюрессэ яркыт возьматэ режиссёрлэн Булат Юсуповлэн «Первая республика» исторической киноез. Отын писательёс Даут Юлтый, Габдулла Амантай, нырысетӥез башкир нылкышно-романист Хадия Давлетшина, башкир йӧскалык театрез кылдытӥсь Валиулла Муртазин-Иманский но мукетъёс возьматэмын.
Республикаямы башкиръёслэн витетӥез быдэсдунне курултайзы ортчиз. Соку Радий Хабиров Башкортостанысь калыкъёслэсь тупаса улэмзэс пусйиз. Солэн кылъёсызъя, асьмелэн одӥг дормы. Соин ик котькудмылы солэсь шунытсэ утьыны тыршоно.
Кыӵе ужрадъёс асьмеды витё?
- Та нуналэ котькуд ёросын но городын калык шулдыръяськонъёс ортчозы. Уфаын соос Салават Юлаевлэн памятникез вӧзын «Ватан» паркын радъяськозы. Концертэ Элвин Грей но «Пицца» группа пыриськозы. Соосты БСТ меӵак эфирын возьматоз.
- Тросаз ёросъёсын ӟеч сямлы пӧрмемын ни ярмаркаос радъян. Республикалэн Тӧроез Радий Хабиров Гурт хозяйствоя министерствое но ёрос администрациосы вазиськиз, вуз карисьёс сӥльлы но мукет сиёнъёслы вормонтэм дунъёс медаз пуктэ шуыса.
- «Покупай башкирское» флешмобъёс ортчозы. Республикалэн нуналаз тросэз вуз поттӥсьёс дунъёссэс уськытозы. Вузъёссэс ярмаркаосын но фестивальёсын вузалозы.
- Та нуналэ ужась калыкез данъялозы. Соослэн аръёс ӵоже республикамес азинтонэ трос кужым понэмзы синйылтэмын луоз.
Дасяз Ольга
НИГАМАТУЛЛИНА.
Читайте нас: