Дано мед луоз Башкортостан!

Туннэ Татышлыысь МБУК МКДЦ-ын "Цветущий край" ужрад ортчиз. Со Республикалэн нуналэзлы сӥземын вал. Башкортостанэн кивалтӥсьлэн нимыныз ёросын улӥсьёсты ӟечкылаз БР-ысь Правительствоысь Премьер-министрез воштӥсьлэсь ужзэ быдэсъясь, жилищно-коммунальной хозяйствоя министр Б.В. Беляев. Со озьы ик юбилейной медальёс сётӥз но куинь анай-атайтэм нылъёслы - квартираослэсь усьтонъёс. Татышлы ёрос администрацилэн тӧроез Р.К. Гараев дышетӥсьёсты тау карон гожтэтъёсын, данъян грамотаосын, "Отличник образования РБ" гадьпусэн но "Лучший работник физической культуры и спорта РБ" дано пусэн пусйиз. Праздниклы сӥзем концертэ "Ӧрӟи", "Шулдыр ӝыт", "Италмас" калык ансамбльёс пыриськизы.