Вордӥськем шаерлэсь шулдыргес интыез уд шедьты

Вордӥськем шаерлэсь шулдыргес но чебергес интыез уд шедьты. Со лыктэм куноосыз аслаз пумтэм нюлэсъёсыныз но чылкыт шуръёсыныз паймытэ.

Кыӵе умой гужем, пӧсь нуналэ, веськрес кызьпу саюлын пукыны, жильыртӥсь ошмес куараез кылзыны. Нош кӧня татын ческыт узы-боры, эмезь но губи будэ.

Вордӥськем шаере чебер интыосыныз узыр на. Та шулдыр музъем вылтӥ пересь песянайёсмы но песятайёсмы ветлӥллям, асьмеос но вамышъяськом, чылкыт омырен шокаськом, возьёс но лудъёс вылтӥ поръяськом. Соин асьмелы шаермес утьыны кулэ, азьпалан но Башкортостанлэсь узырлыксэ, чеберлыксэ адӟыны мед быгатозы шуыса. Котырамы азьвыл сямен ик котьку вож-вож турын мед будоз, сяськаос мед пиштозы, нюлэскын тылобурдоослэн кырӟамзы мед кылӥськоз, шуръёс но ошмесъёс мед жильыртозы.

Ксения

РАХМАТУЛЛИНА.

Татышлы ёросысь Вязовка гурт.

Суредэз Марина

ХАЙДАРОВАЛЭН.

Татышлы ёросысь Таныповка гурт.