-15 °С
Салкым
Антитеррор
Вань иворъёс
Общество
18 августэ 2019, 12:05

Тачак калык люказ Бадӟым Качак

Калтасы ёросысь Бадӟым Качак гурт аслаз историеныз, сям-йылолъёсыныз, калыкеныз дано.

Котькуд адямилэн вань дуннеын кыӵе ке но сэрегез, кудаз со тырше бертаны. Котькытын улӥз ке но, сое котьку тодаз возе. Бадӟым Качак гуртлэн 325 ар тырмоназ но шумпотыса бертӥзы дор палъёсазы пӧртэм интыосын улӥсь гуртооссы ӵыжы-выжыосынызы пумиськыны, гуртсэс данъяны, улыны кужым басьтыны. Калтасы ёросысь тужгес бадӟым удмурт гуртын вордӥськемын но уло визьмо, каньыл, вазиськись но ужась калык.
325 ар тырмонлы сӥзем праздник куноосты пумитанэн, гуртлэн историезлы но туала улонэзлы сӥзем стендъёсты, киужъёсын адӟытонъёсты учконэн кутскиз, бадӟым представлениен но концертэн азинтӥськиз, дискотекаен но салютэн йылпумъяськиз. Качакъёсты дано юбилеенызы ӟечкыланы вуизы Татышлы, Янаул ёросъёсысь представительёс, концерт номеръёссэс кузьмазы Янаул, Бурай, Калтасы ёросъёсысь удмурт коллективъёс. Ужрадэ концертэн вуизы Удмурт Элькунысь артистъёс Геннадий Бекманов, Вероника Романова но Вячеслав Цветной. Пыр-почгес лыдӟелэ газетлэн вуоно номерысьтыз.
Читайте нас в