Дырзы тунсыко ортче

Пӧсьтолэзе Л. Атнафикова нылпиослы пӧртэм ужрадъёс ортчытэм. Кылсярысь, «Дружная семья», «Мы - команда», «Путешествие по океану «Дружба», «Васильковый день», «Праздник для детей» но мукет. «Мисс Лето» конкурсэ, кылсярысь, гуртысь укмыс нылъёс шумпотыса пыриськиллям. Соослэсь быгатонлыкъёссэс пиос дунъяллям. «Кыӵе ке ныллы вылӥ баллъёс пуктыса, соос Гужемлэсь чеберайзэ бырйыны ӧз быгатэ. Нылъёс ваньзы умой дасяськемын вал. Конкурсын вормиз эшъяськон. Азьпалан пиослы «Мистер Лето» конкурс ортчытыны малпаськом. Соослэсь быгатонлыкъёссэс нылъёс дунъялозы», - вера Л. Атнафикова.

Шахматлэн нуналаз радъяськем турнире но пиналъёс шумпотыса вуиллям. Татын вормисе потэм Рафаэль Пан.

«Путешествие к Лесовичку» ужрад но пиналъёслы туж кельшем. «Кызьпулэсь тупатэм Лесовичок доры куное мыныса, нылпиос выжыкылъёс лыдӟизы, выжыкылъёсты люкетъёссыя тодмазы», - шуэ культорганизатор.

Мамады гуртысь нылпиос дырзэс компьютер сьӧрын пукыса, смартфонъёсын шудыса гинэ уг ортчыто, чылкыт омырен но шокало, спорт ужрадъёсы но пырисько.

Миляуша БУЛАТОВА.

Бурай ёрос.