Чернушкалэн командаез "Эру" ужрадэ вуылӥз

Со «Эру» нимаське. Праздник Вишур гуртын ортчиз. Туэ отчы пыриськыны милемлы но шуд усиз. Чернушкалэн командаез – Анастасия Дядина, Ксения Давыдова, Валерия Ахмадуллина, Изольда Шарафисламова, Алексей Зидиганов, Игорь Зидымаков, Данил Садыков но Арсений Васиуллин – праздникын Пермь шаерлэсь данзэ утиз.

Трос конкурсъёс, эскеронъёс пыр потоно луиз удмурт егитъёслы. Кык нунал куспын командаос эшъяськизы, выль быгатонлыкъёссэс усьтӥзы. Пиос, кылсярысь, сяська будэтон инты тупатӥзы, нош нылъёс черсыса возьматӥзы, пельнянь пӧразы. Праздникын егитъёслэсь удмурт фольклорез тодэмзэс но эскеризы. Тужгес тунсыкоез вал нылэн пи понна «Кык дыдыкъёс» конкурс. Отчы милям командаысь Валерия Ахмадуллина но Алексей Зидиганов пыриськизы.

«Эруысь» нылпиос ӝутскем мылкыдын бертӥзы, асьсэлы выль эшъёс шедьтӥзы. Ужрадэз радъясьёслы – УР-ысь егитъёслэн «Шунды» огазеяськонзылы, Шаркан ёрос администрацилы - бадӟым тау. Озьы ик пумтэм тау кылъёсмес вераськом Чернушка ёрос администрациен кивалтӥсьлэн воштӥсезлы Елена Омелиналы но спонсорлы Данил Шарафисламовлы, ужрадэ вуылыны юрттэт возьматэмзы понна.

Марина

ШАРАФИСЛАМОВА.

Чернушка город.