Гужемлэсь котькуд нуналзэ пайдаё ортчытоно

Татышлы ёросысь «Рассвет» СПК-ын но ӵукна тямыс часысен ӝыт укмысозь пудо сиён дасянын уж пöзе. Та нуналэ хозяйствоын 120 тонна турын дасямын ни. Турын турнанын тыршо Салават Шартдинов но Данил Нурисламов. Куасьмем турынэз пакосэ интыя Рафкат Усманов. Сьöраз ик турынэз пресс-подборщикен рулонэ бинё Сергей Хайдаров но Иван Рафиков.

Улысь Балтач ферма вӧзы сенаж нуллон но дугдыса уг улы. Туэ улысь балтачъёс 3500 тонна сенаж дасяны малпало. Та дыре 2200 тонна дасямын ини. Кормоуборочной комбайнэн атаен пиез Геннадий но Эдуард Гайнияровъёс ужало.

Сенажез Вадим Габоков, Андрей Давлетшин, Ефим Гильфанов, Владимир Зидымаков, Виктор Ахметов, Алик Мухаяров но Ансар Исламов ӵошатскыса кадь гуэ вутто. Сенаж гуын трамбовкаын ДТ-75 тракторен Владислав Рахимов но К-700 тракторен Дмитрий Гильманшин ужало. Ужасьёсты нуназе но ӝыт ческыт сиёнэн сюдэ пӧзьтӥськись Альмира Мухарамова.

Пудо сиён дасянэн ӵош рассветъёс толйись культураосты кизёнлы но бадӟым саклык висъяло: ӟег кизьыны бусы гырон йылпумъяське.

Алексей САМИРЗЯНОВ.

Татышлы ёрос.

Туспуктэм вылын: Владимир Зидымаков (паллянысен буре) Ефим Гильфанов но Геннадий Гайнияров.