Туклячиос

Озьы ке но со ошмесчиосын но вераськыны дыр шедьтӥз, ческыт варенняен пӧсь чаен но кунояз. Василя Гайфуллиновна доры ӧжытлы гинэ пыронмы часлэсь кемалы кыстӥськиз.

Василя Гайфуллиновна дышемын котькуд кунозэ шуныт пумитаны. Соин, лэся, со Татышлы ёросысь вуэм кырӟась-эктӥсьёсты но пумитаны пыр-поч дасяськиз: калык дӥськутсэ дӥсяз, кырӟанзэс дышетӥз. В. Миннибаева таӵе ужрадэ нырысьсэ гинэ уг пыриськы ни угось. Куамын сизьым ар ӵоже гуртысьтызы клубын ужатозяз, со трос пол пӧртэм куноосты пумиталляз. Нош татышлыос татчы нырысьсэ, пе, вуо. «Пенсие потэмлы 20 ар луиз ни, - вера В. Миннибаева. – Озьы ке но клубе сюрес ӧз пытсаськы ай. Ойдо шуо но, нош мынӥсько. Эшъёсын вераськем потэ». Василя Гайфуллиновнаез кылзыса шӧдӥськод, солэн мылкыдыз аресэзлэсь трослы пиналгес на шуыса. Пиезлэн семьяез но сое шӧдытэк уг улы, луоз. Василя апай юрт котыразы пӧртэм ужъёсты быдэстыны вутске на угось.

Жаляса верано, ми вуылыку пиез но, кенэз но доразы ӧй вал. «Кыксы ик уж дуразы», - валэктӥз анайзы. Но милемлы удалтӥз Масхуда кенэзлэн анаеныз – Разифа Ахмадишинаен - тодматскыны. Со - Бурай ёросысь пичигес Давлекан гуртын вордӥськыса будэм удмурт нылкышно, вить нылпиослэн анайзы. Но, жаляса верано, солэн кыкез пиосыз улонэн люкиськиллям ни. Укмыстон аресаз вамыштӥсь Разифа апайлы трос секытэз ас вылаз шӧдоно ке но луэм, со чидатске. Колхозазы фермаын, Сибайын, Караидельын леспромхозъёсын ужам кышномурт пересьмон дырзэ нылпиосыз вӧзын ортчытэ. Ташкичиысь нылыз доры но со ӵемысь вуылэ…

…Василя Гайфуллиновна кырысь бертӥсь скалзэ но пумитаны вутскиз на, куноослэсь азьвыл культура юртэ но вуиз.

Ольга НИГАМАТУЛЛИНА.

Илиш ёрос.

Туспуктэм вылын: Разифа Ахмадишина (паллянысез) но Василя Миннибаева.