+1 °С
Салкым
Антитеррор
Вань иворъёс
Общество
28 Июне 2019, 16:13

«Асьмелэсь но гуртъёсмес шур гинэ люке…»

«Асьмелэсь но гуртъёсмес шур гинэ люке…», - шуэмын огаз тодмо удмурт кырӟанын. Нош Татышлы но Балтач ёросъёсысь Калмияр но Асавка гуртъёсыз Танып шур висъя. Одӥг ёросысь мукетаз потыны шур вамен выж котьку луылӥз. Гурт хозяйствоен ужакузы асавкаос сое тупатъяса возизы. Тулыс тудву арлы быдэ изъян вае вал уго. Хозяйствозы куашкам бере выж но нокинлы кулэ ӧз луы ни. Нош ваче кусыпъёс ноку ӧз бырылэ. Асавкаысь егит пиос озьы ик вылькенлы Калмияре но Петропавловкае ветло, нош отчы бызем кышномуртъёс туганъёссэс адӟыны 65 иськемез ортчоно луо. Танып вамен шонер сюрес сизьым-тямыс иськем сяна уз луы.

«Асьмелэсь но гуртъёсмес шур гинэ люке…», - шуэмын огаз тодмо удмурт кырӟанын. Нош Татышлы но Балтач ёросъёсысь Калмияр но Асавка гуртъёсыз Танып шур висъя. Одӥг ёросысь мукетаз потыны шур вамен выж котьку луылӥз. Гурт хозяйствоен ужакузы асавкаос сое тупатъяса возизы. Тулыс тудву арлы быдэ изъян вае вал уго. Хозяйствозы куашкам бере выж но нокинлы кулэ ӧз луы ни. Нош ваче кусыпъёс ноку ӧз бырылэ. Асавкаысь егит пиос озьы ик вылькенлы Калмияре но Петропавловкае ветло, нош отчы бызем кышномуртъёс туганъёссэс адӟыны 65 иськемез ортчоно луо. Танып вамен шонер сюрес сизьым-тямыс иськем сяна уз луы.
Кыкетӥ арзэ ини Асавкаын ужа Татышлы ёросысь Выль Татышлы гуртын улӥсь Альфис Шаймарданов. «Шаймарданов» ИП КФХ усьтэм фермер татысь 250 га бусыосты гыре-кизе. Кысык бусы ужъёс дыръя отын асавкаос но, выль татышлыос но ужало. Алигес Альфис Ахуньяновичлы вазиськиз Асавкаысь одӥг мӧйы воргорон, Танып вамен выжез лэсьтоно вал шуыса. Гуртысь воргоронъёсты ӝог гинэ люкаса, вераськизы-кенешизы. Та нуналъёсы выжез усьтӥзы ни. Кылиз со доры нуись сюресъёсты тупатыны. Пыр-почгес со сярысь лыдӟелэ газетлэн вуоно номеръёсысьтыз.
Читайте нас в