-18 °С
Салкым
Антитеррор
Вань иворъёс
Общество
20 Июне 2019, 12:54

Кузпалъёс - ас удысазы устоос

Пермь шаерысь Куеда ёросысь Гожан гуртысь «СП имени Мичурина» ООО-ысь ужасьёс ваньмыз сямен – ас удыссэс тодӥсь-валась, вань мылкыдзэс но кужымзэс поныса тыршись ӧнерчиос. Екатерина Моллахматова – сыӵеос пӧлысь одӥгез.

Кызьы пичи кунянъёсты утёно, таза но ӝог мед будозы шуыса? Та юанлы со соку ик валэктон сётыны быгатоз. Пичи кунянъёс бордын ужамезлы 30 арлэсь ятыр луиз ни угось. Кызь ньыль аресъем егит ныл Удмуртиысь куное гинэ вуыса, улонзэ пыраклы Гожанэн но пудо вордон удысэн герӟаз.
Арлыдызъя шутэтскыны кулэ ке но ни, пудо утись огдышем сямызъя ужезлэсь али но уг ӵыды. Ӟеч кылъёсын тодаз вае со Надежда Моллахматоваен, Екатерина Ардиеваен ӵош ог-огзылы юрттӥськыса ужам аръёссэс.
Катя апайлэн Дмитрий кузпалыз но та хозяйствоын ик ужа. Со – сварщик. Дмитрий Моллахматовлы арлэн котькыӵе вакытаз уж шеде. Хозяйствоысьтызы корт валъёс тӥяськизы ке, сварщик соосты ӝог «лякоз».
Анна БАЙДУЛЛИНА.
Пермь шаерысь Куеда ёрос.
Читайте нас в