Ар ортчыса. Кызьы улэ Владимир Путинэн кельтэм Алтайысь школа

Школае куинь гуртысь нылпиос ветло. Татын улӥсьёс Владимир Путинэн прямой линия дыръя ёрос кивалтӥсьёслэсь школазэс ворсаны турттэмзы сярысь ивортӥзы. Ӝожтӥськемзы юнме ӧз луы. Президент Алтай крайысь губернаторез Виктор Томенкоез та юанэз сэрттыны-пертчыны куриз.

Регионэн кивалтӥсь малокмплектной школаез уз ворсалэ шуыса оскытӥз. Со нуналэ ик школае нимысьтыз комиссия вуиз, специалистъёс школаез учкыса, тупатъян ужъёс кутскизы. Прямой линия бере школа кыкетӥ ползэ вордскиз, шуыны луэ: али отын чылкыт, югыт но умой, нош нылпиосты дышето егит дышетӥсьёс.

«Школаямы 12 преподавательёс, соос пӧлысь ньылез ар талэсь азьло лыктӥзы, одӥгез - кык ар талэзь азьвыл. Ворсаны быгатӥмы ӟуч кылъя но литературая, биологияя но географияя, немец кылъя, историяя, пичи классъёсты дышетӥсьлэсь ставкаосты. Выль дышетӥсьёслы котьма ласянь юрттэт возьматӥське - одӥгез дышетӥсьлы квартира сётӥмы, кыкез - "подъёмной" коньдон басьтӥзы», — вера школаен кивалтӥсь Ирины Вольных.

Гуртысь школалэсь ужпумъёссэ федерал каналъёсын возьматэмзы бере ремонтлы 3 миллионлэсь ятыр коньдон висъязы, учебникъёслы но туала методикая материалъёслы - 250 сюрс манет. Со сяна, школалы автобус сётӥзы.

Пичи школалэн примерезъя адӟыны луэ адямиослэсь кужымзэс но умой улыны турттэмзэс. Президентлы ӧй ке вазиськысалзы, тодмо ӧвӧл, ужасал на меда школа, ӧй ни-а.