Республикаысьтымы 32 ёросъёсын сабантуйёс ортчизы

Башкортостанын кылем шутэтскон нуналэ 32 ёросъёсын сабантуйёс ортчизы. Башкортостан Республикалэн Тӧроезлэсь ужзэ быдэсъясьлэн Радий Хабировлэн верамезъя, соос ӟеч ортчизы. Но куд-ог ёросъёсын кышкыт учыръёс но луизы. Аскино ёросын, кылсярысь, ворттӥсь вал адямиос пӧлы потӥз. «Сабантуйын валэн ворттылон бадӟым инты басьтэ. Озьы ке но адямиосты кышкытлыклэсь утён сярысь вунэтоно ӧвӧл», - вераз со. Радий Хабиров ёросъёсын кивалтӥсьёслы сабантуйын курыт юон вузаны уг яра шуыса но тодазы вайытӥз.