Пичи гуртын праздник ортчытӥм!

10-тӥ тулыспалэ Банибашын удмурт «Инвожо» фольклор коллективен ӵош «Вой келян» радъям. Со понна школа азбаре сцена тупатӥм, чучело пуктӥм, ваньмы табань пыжыса поттӥм, Истякысь, Ахтиялысь куноос ӧтимы. Ужрадмес ортчытыны юрттӥзы гурт поселенимылэн администрациеныз кивалтӥсь А. М. Гильмиев, Банибашысь егит пи Валерий Яппаров. Нырысь туж чебер концерт возьматӥм, собере пӧртэм шудонъёс-конкурсъёс ортчизы: салазкиен ӵошатскизы, пу вандӥзы , выждэраен тэтчазы, канат кысказы но мукет. Берло чучело котырын бергаса такмакъёс кырӟамы, сое ӝуатыса выль тулысэз пумитамы. Гуртысьтымы песяйёсты но песятайёсты, пичиосты но куноосты пӧсь чаен но табанен сектамы.

Римма ГАЛИМЗЯНОВА.