Вань иворъёс
Общество
15 февраль 2019, 13:03

"Тужгес бадӟым узырлык - калык"

«Страницы истории Башкортостана» фестиваль-марафонын - Кушнаренко ёрос.

Башкортостан Республикалэн кылдэмез дырысен 100 ар тырмонлы сӥзем «Страницы истории Башкортостана» фестиваль-марафон вуиз Кушнаренко ёросэ. Алигес кушнаренкоос башкир кун филармониын театрализованной представлениен видео-презентация возьматӥзы. Ужрадэз дасянэ ёросысь трос калык пыриськиз, учкисьёс но быдэс зал люкаськизы. Сцена вылысен кырӟаз Канлы гуртысь «Италмас» ансамбль но. Ёросысь удмурт гуртысь ансамбльлэн 12 ёзчиосыз. Отчы мыло-кыдо кырӟаны-вераны ветло гуртысь кышномуртъёс но 9-тӥ но 6-тӥ классъёсын дышетскись нылъёс В. Гимадиева но А. Гильмиярова.
«Тау карисько марафонэз радъясьёслы, ёросамы улӥсьёслы, кинъёс та ужрадэз дасязы, кинъёс милемыз учкыны лыктӥзы. Кушнаренко музъемлэн узыр историез, культураез, ужын азинсконъёсыз. Нош тужгес бадӟым узырлык милям - со милям визьмо, ужась, быгатӥсь, тыршись калыкмы. Соослы луыса ик, улонмы азьпалан но сяськаяськоз», - пусйиз ӟечкылан кылаз Кушнаренко ёрослэн тӧроез Руслан Гизатуллин.