Выль Татышлы гурт поселение но, мукетъёс сямен ик, «Программа поддержки местных инициатив» проектэ азинлыко пыриське. 2017-тӥ арын кунмылэн но гуртысь ужбергатӥсьёслэн юрттэт возьматэменызы, калыклэн сюлмаськеменыз Бальзюга гуртысь урамъёсыз тупатӥмы. Нош туэ выль аре гуртъёсын улӥсьёслы бадӟым кузьым луиз, МТЗ-82 трактор басьтӥмы. Калыкмылэн малпанэз быдэсмиз.
Трактор вуэм бере ик буранъёс кутскизы, выль техникалы уж тырмыт сюриз ини. Азьланяз но калыклэсь куронъёссэ лыдэ басьтыса ужаломы, выль техникаез уже пайдаен кутыны тыршомы.