Чылкыт улод - таза луод

Мар кароно, тынад кык квартираед яке кык коркаед ке?

Жаляса верано, законодательствоын кык квартираоссы яке корказы но квартиразы луэм адямиослы льготаос сётӥсько шуыса пусъемын ӧвӧл. Улон интыосады кӧня адями регистрировать каремын, сомында ик коньдон тыроно луоз. Сыӵеос ӧвӧл ке, собственникъёсты лыдэ басьтозы.

Тодэлэ! Тӥ пӧртэм мугъёсъя вить нуналлэсь тросгес дорады ӧд улэ ке, кылсярысь, эмъюртын йӧнатскиды яке зарезь дурын шутэтскиды, со сярысь региональной операторлы ивортыны быгатӥськоды. Сыӵе дыръя дорады улымтэдэс ужказазъёсын юнматоно луоз. Региональной оператор дунъёсты выльысь лыдъялоз.

Кылем жуг-жаг кисьтан интыосты кин утялтоз?

Кылем свалкаосты вакчи дыр куспын муниципалитет яке музъемлэн кузёез, кытчы интыяськемын жуг-жаг кисьтан инты, октыны кулэ.

Кытын ке несанкционированной свалка кылдӥз ке, со сярысь региональной оператор администрацие яке собственниклы ивортэ. Огтолэзь куспын нокыӵе воштӥськонъёс ке ӧз луэ, региональной оператор жагез ачиз тазатоз но быдэстэм ужез понна счёт ыстоз.

Жаг киськан интыос кыӵе

луыны кулэ?

Санитарной куронъёсъя, контейнеръёс бетон яке асфальт плиткаос вылэ интыямын, бордюръёсын котыртэмын луыны кулэ. Соос вӧзы автотранспортэн пырон сюрес мед луоз. Контейнеръёс улон юртъёслэсь, нылпиослы шудон площадкаослэсь, шутэтскон интыослэсь, спорт площадкаослэсь 20 метр огпала интыямын луыны кулэ.

Дасяз Миляуша

НИГАМАТУЛЛИНА.