«Тау» кыл котькинэ шунтэ

11-тӥ толшоре калыккуспо тау карон нунал пусйиське. Та нуналлы сӥзем ужрад ортчиз Калтасы ёросысь Вылысь Тыхтем культура юртын. Отчы пыриськизы нылпиос. Та нунал сярысь тросгес тодэм сяна, соос тау кыллы синонимъёс утчазы, та ӟеч сям пыӵатӥсь кылэз пӧртэм кылъёсын веразы, ог-огзылы тау кылъёс веразы эшъяськемзы, котьку юрттыны дась луэмзы понна. Ужрад бере ульчаетӥ мынӥсь песянайлы сумказэ нуыны юрттӥзы. Со понна нылпиос тау кылъёс кылӥзы.