Мусо но дуно потэ

Милям ульчаосмы паськытэсь, отын трос писпуос будо. Тулыс льӧмпу, сирень сяськаослэн ческыт зынзы омыре лӧсъяське, нош сӥзьыл укноос улын ӵыж-ӵыж горд палэзь ӟускиос ӝуало.

Гуртмы шортӥ Калмия шур бызе. Отын пӧртэм чорыгъёс уло. Гужем ми отын чорыгаськом, толалтэ конькиен нискыласьком. Тулыслы быдэ Калмияе каксяос (цапля) вуо. Соос пиоссэс потто, будэто но бер сӥзьыл гинэ шуныт пала лобо. Ми дорын соослы туж кельше.

Бакча сьӧрамы – нюлэс. Со но гуртэз шулдыртэ. Ми сое Пыштыбыр нимаськом. Тэльын кыӵе гинэ будосъёс, сяськаос уг пумисько! Емышъёс но отын трос. Сӥзьыл ми нюлэскы губияны ветлӥськом. Гурт котырысь бусыос юосын веттасько.

Чебер но мусо мынам вордӥськем палъёсы. Кытын ке вань меда татын кадь интыос? Аслам гуртам арлэн котькыӵе вакытэз шулдыр но ӵыдонтэм чебер потэ. Мон туж яратӥсько аслэсьтым вордӥськем гуртме.

Евгения БАДРИТДИНОВА.

Калтасы ёросысь Бадӟым Качак школа.