-16 °С
Лымы
Антитеррор
Вань иворъёс
Общество
26 декабрь 2018, 16:49

Сюрес улонэз воштоз

2016-тӥ арын Пермь-Уфа трассаысен Бурай ёросысь Касияровое пырон сюресэ асфальт вӧлдӥзы.

Ньыль иськем бадӟым сюрессы (гуртын улӥсьёс сое озьы шуо) гуртысьтызы магазиназы вуытозь кыстӥське. Та уж «Сельские дороги» федерал целевой программая быдэстэмын. Вань ужез лэсьтыны республика но федерал бюджетысь 60 миллион коньдон висъяськиз. Вакчи дыр куспын «Арланское УСПД» ООО касияровоослэсь «льӧль малпанзэс» улонэ пыӵатӥз.
Туэ куарусён толэзе Касиярово гуртын улӥсь эшъёсмылэсь нош ӟеч ивор вуиз. Табере, пе, гуртысьтызы сюресъёссэс тупато. ППМИ проектэ пыриськон понна гурт калыклэсь котькуд юртысь быдэн 3000 манетэн коньдон люкаллям, огъя 135 сюрс люкамын. Сомында ик «Кама» СПК сётэм, государстволэн висъямез – 900 сюрс манет. Гуртысь «Школьная», «Луговая», «Журавлиная», «Юбилейная» урамъёсы нырысь канаваос лэсьтыса, горд сюен ӵошкытатӥзы, со вылэ щебень но гравий вӧлдӥзы. Тендерын вормыса, та ужез нимысьтыз ужбергатӥсь Эльвера Фаритовна Гилемшина быдэстӥз.