-17 °С
Салкым
Антитеррор
Вань иворъёс
Общество
24 декабрь 2018, 18:27

Дано героез буре вайыса

Адями улэп, со сярысь малпасьёс, тодазы ваисьёс ке вань. Совето Союзысь геройлэн Ульмас Шакировлэн вордскем Асавка гуртаз, Балтач ёросаз, Башкортостанысь удмуртъёс ноку уз вунэтэ дано адямизэс.

Солэсь нимзэ нуллэ ёросысь одӥгез школа, Асавка гуртын солы сӥзем библиотека-музей лыктэм куноослы солэн улонэныз но ожмаськеменыз тодматэ, геройлэн бюстэз клуб азьын сылэ. 22-тӥ толшоре солэн вордскемез дырысен 95 арес тырмемезлы сӥзем буре ваён ужрад ортчиз Асавка клубын. Отчы люкаськизы Ульмас Шакировичлэн ӵыжы-выжыосыз, ёрос администрациысь кивалтӥсьёс, ӵош ужам эшъёсыз, Чечен но Афган войнаосы пыриськемъёс, гуртоосыз,ӧтем куноос.