-23 °С
Яркыт
Антитеррор
Вань иворъёс
Общество
3 декабрь 2018, 17:27

Сцена вылын кизилиос «ӝуатскизы»

Башкортостанын кык арлы огпол удмурт кырӟанъёсты быдэстӥсь егит кырӟасьёс пӧлын «Ӝужась кизилиос» регионъёс куспысь конкурс радъяське. Отчы республикалэн пӧртэм ёросъёсысьтыз но мукет регионъёсысь удмурт кырӟанъёсты быдэстӥсьёс пырисько. Туэ конкурс тямысэтӥ ползэ радъяськиз.

Башкортостанын кык арлы огпол удмурт кырӟанъёсты быдэстӥсь егит кырӟасьёс пӧлын «Ӝужась кизилиос» регионъёс куспысь конкурс радъяське. Отчы республикалэн пӧртэм ёросъёсысьтыз но мукет регионъёсысь удмурт кырӟанъёсты быдэстӥсьёс пырисько. Туэ конкурс тямысэтӥ ползэ радъяськиз. Отчы пыриськемъёслэн лыдзы, азьвыл аръёсын ӵошатон дыръя, трослы ӧжыт вал. Кылсярысь, 2004-тӥ арын ужрадэ 71 кузя кырӟасьёс вуиллям вылэм. Туэ жюри, жаляса верано, дас ньыль кырӟасьёс пӧлысь Гран-прилэсь кузёзэ бырйыны шугъяськиз. Конкурслэн положениезъя, жюри кык группаысь, пичиос (12-15 арес) но бадӟымъёс (16-30 арес) пӧлысь, вормисьёсты бырйиз.

Нырысь пӧртэм номинациосын вормисьёсты ӟечкылазы. «Артистизм» номинацилы кузё луиз Янаул ёросысь Можга гуртысь Константин Баширов. Татышлы ёросысь Калмияр гуртысь Яна Шарафутдинова «За исполнение народной песни» номинациен пусъемын, та гуртысь ик Виктория Зиядуллина - «За стремление к победе» номинациен. Калтасы ёросысь Вылысь Тыхтемысь Виолетта Шайхетдинова «Приз зрительских симпатий» номинациын вормисе потӥз.

Куинетӥ степенё дипломлы кузё луизы Балтач ёросысь Асавка гуртысь Радмир Галиев, Янаул ёросысь Вуж Вараш гуртысь Ксения Нигиева, Татышлы ёросысь Бигиней гуртысь Илона Мухаметзянова но Куеда ёросысь Бадӟым Гондырысь Валерия Темирова.

Кыкетӥ степенё дипломлэн кузёосыз – Янаул ёросысь Максим гуртысь Алина Фархутдинова но Вуж Варашысь Анастасия Миннигалиева, Вылысь Тыхтемысь Виктория Камидуллина но Чайковскийысь Виктория Кирьянова. Сцена вылын выль ӝуатскем кизилиослэн тубатазы котькинлэсь вылӥын луизы Татышлы ёросысь Выль Татышлы гуртысь Алина Гильманова но Калмиярысь Светлана Мардамшина. Та конкурсэ пыриськемъёслы шулдыр но задор кузьымъёссэс кузьмазы Выль Татышлыысь «Шулдыр ӝыт» но Калмиярысь «Италмас» ансамбльёс.

Миляуша НИГАМАТУЛЛИНА.

Информационный партнёр мероприятия – газета Ошмес
Читайте нас в