-15 °С
Салкым
Антитеррор
Вань иворъёс
Общество
24 Октябрь 2018, 18:02

Кытын тужгес трос юисьёс уло?

Саратовын, пе. Со сярысь гожтэ «РИА Новости». Коньывуон толэзе Zoom Market маркетингъя агентство эскеронъёс радъям. Отчы Россилэн 25 регионъёсаз улӥсь 19-73 аресъем адямиос пыриськиллям.

Кытын тужгес трос юисьёс уло?
Саратовын, пе. Со сярысь гожтэ «РИА Новости». Коньывуон толэзе Zoom Market маркетингъя агентство эскеронъёс радъям. Отчы Россилэн 25 регионъёсаз улӥсь 19-73 аресъем адямиос пыриськиллям. Соослы куинь юанъёсын вазиськиллям: «Тӥ курытсэ веръяськоды-а?» «Ӵем-а юиськоды?» «Туннэ Тӥ курытсэ веръяды-а яке веръяны малпаськоды-а?» Эскеронъёсы пыриськемъёслэн лыдзы 3250-лы ӵоша. Али солы йылпумъянъёс лэсьтэмын.
Тужгес юись городъёслэн списоказы Саратов бере Ханты-Мансийск интыяськем, куинетӥ – Пермь. Нырысетӥ дас городъёс пӧлы Саранск, Красноярск, Чита, Ростов-на-Дону, Челябинск, Хабаровск но Новокузнецк городъёс пыремын. Дас одӥгетӥ интыын – Санкт-Петербург. Москва - дас куатетӥ.
Кылем арлэн рейтингезъя, сое «Трезвая Россия» федерал агентстволэн эспертъёсыз дасязы вал, тужгес юись регионэн ялэмын вал Магадан улосвыл. Со бӧрсьын Ненец автономной округ но Бурятия луизы. Нош кылем арын тужгес ӧжыт юон басьтӥллям Уйпал Кавказысь республикаосын.
(Туспуктэм интернетысь басьтэмын).
Читайте нас в