-15 °С
Лымы
Антитеррор
Вань иворъёс
Общество
24 Октябрь 2018, 18:28

Гуртысь нылпиос ужзэс Москваын но возьмато

Хайбулла ёросысь Выль Зирган школаын нылпиослы «Юный эколог» кружок ужа. Отчы пичиос но, бадӟым классъёсын дышетскисьёс но шумпотыса ветло. Кружокын пиналъёс инкуазь, пӧйшуръёс, будосъёс сярысь трос выльзэ тодон сяна, ужаны но дышетско. Школа бакчаысь опытной участокъёсын тыршо, курегъёсты но бройлеръёсты утялто, теплицаосазы кияр, помидор будэто. Со сяна, кружоке ветлӥсь нылпиос пӧртэм конкурсъёсы но пырисько. Кылсярысь, кызьы гожъямы ни вал азьвылгес, соос «Юннат» республика конкурсэ пыриськыса, нырысетӥ инты утӥзы.
10 – 13-тӥ коньывуонэ соос Москваын ортчем «Юннат-2018» быдэсросси экологической фестиваль-конкурсэ вуылӥзы. Отын Р. Кусякова но Д. Рахметов «Трудовые объединения в условиях современного образования» конкурсной ужзэс утизы, З. Мамбетова «Красавица Сакмара» калык эктонэз быдэстӥз.
«Юннатэ» вуэмъёс ВДНХ-ын ортчем «Золотая осень» агропромышленной адӟытонэ но вуылӥзы. Отын Д. Рахметов «Бизнес-план по разведению птиц в условиях пришкольного участка» уженыз тодматӥз (дышет5сез Р. А. Янбердина). Москаваысь выль зирганъёс бронза медален бертӥзы.
Миляуша БУЛАТОВА.
(Туспуктэм Выль Зирган школалэн сайтысьтыз басьтэмын).