Семьяослэн йылолъёссы уз вунэ

Пермь шаерысь Чайковский городысь «Зарни сӥзьыл» ансамбль, президент фондысь грант утыса, быдэс ар ӵоже пӧртэм ужрадъёс ортчытон бордын тыршиз. Проектсэс йылпумъяз — «Семья йылолъёс» нимам ӝыт. Со Чайковскийысь крезьгуръя училищелэн концерт залаз ортчиз.

Училищелэн холлаз «Национальный колорит. Наследие удмуртского народа» адӟытон дасямын вал. Отын курикен, венен керттэм киужъёс возьматӥськизы. Нош «В кругу друзей» адӟытон нылпиослэн суредъёсынызы тодматӥз. Соос удмурт калык дӥськутэз, эктонъёсты, сям-йылолъёсты возьматыны быгатӥллям. Адӟытонъёсын вормисьёсты дипломъёсын пусйизы.(Ужрад сярысь пыр-поч лыдӟны быгатоды газет бамъёсысь)