Кузь сюресэз вакчи карыса

800 иськеме –

Выль Зирган гуртэ

Кылем арняын ми, «Ошмес» газетлэн редакцияз ужасьёс, Башкортостанысь удмуртъёслэн НКЦ-енызы кивалтӥсь Салимьян Гарифуллин, солэн воштӥсез Юрис Саитов, Татышлы ёросысь Выль Татышлыысь культура юртын ужасьёс Зифина Фархутдинова, Марина Низамова, Александр Галиев но Улысь Балтачысь кырӟась Алик Кайранов Хайбулла ёросэ вуылӥм.

Дас часлэсь ятыр дыр сюрес вылын ортчиз. Иськемъёсты ортчемъя, инкуазь суредъёс вошъяськылӥзы. Уфа сьӧрысь ёросъёсы зэмос зарни сӥзьыл вуэм ни: кызьпуос ӵуж-ӵужесь. Соос, асьме палан будӥсь кызьпуосын ӵошатоно ке, лапегесь.

Зиянчура музъем меӵ из гурезьёсыныз паймытӥз. Нош азьпалан соосты степьёс воштӥзы. Тодэ лыктӥзы кырӟанысь чуръёс: «Степь да степь кругом, путь далёк лежит…»

Татын кемалась куазь зорымтэ, шӧдске. Нокытысь но вож ожоез уд адӟы. Котырак ковыль но арым будэ. Шур нимъёс но аспӧртэмесь, кылсярысь, Бузавлык, Таналык. Вераны кулэ, ошмесъёс туж шер пумисько. Выль Зирганын, кылсярысь, одӥг ошмес но ӧвӧл.

(Быдэс материалэз газетмылэн 38-тӥ номерысьтыз лыдӟыны быгатоды).