Фестиваль вите финн-угор фольклор ансамбльёсты

Та фестиваль 5-тӥ ползэ радъяське ни. Со сярысь ивортэ ивортодэтъя Финноугория центр. Отчы бесерманъёс, вепсъёс, водьёс, ижоръёс, ингерманланд финъёс, мансиос, ненецъёс, саамъёс, селькупъёс, сетоос но хантыос пырисько. Туэ фестивале 140 муртэ возьмало. Отчы люкаськозы пӧртэм улосвылъёсысь калык коллективъёс. Фестиваль усьтӥськоз Санкт- Петербургын Петропавловской крепостьлэн интывылаз. Отчы лыктэм коллективъёс концерт сётозы, финн-угор кибашлыослэн ярмарказы ужалоз. Фестивальлэн валтӥсь ужпумез ӧжыт лыдъем финн-угор но самодий калыкъёслэсь лулчеберетсэс утён-возён, сое вӧлмытон.