-25 °С
Салкым
Антитеррор
Вань иворъёс
Общество
6 Куарусён 2018, 13:47

Бадӟым куноос вуылӥзы

Башкортостанысь Кун Собранилэн-Курултайлэн Тӧроез Константин Толкачёв уж визитэн Бурай но Янаул ёросъёсы вуылыкуз, Алтау гуртэ но пыраз.

Башкортостанысь Кун Собранилэн-Курултайлэн Тӧроез Константин Толкачёв уж визитэн Бурай но Янаул ёросъёсы вуылыкуз, Алтау гуртэ но пыраз. Соин ӵош калыкен пумиськонэ ЦИК-ысь Поволжье но Урал федерал округъёсын ужанъя департаментэн кивалтӥсьлэн воштӥсез Александр Долганов, «Алексеевский» совхозэн кивалтӥсь Рамзил Низаметдинов, Бурай ёрос администрациен кивалтӥсь Борис Нурисламов но Кузбай гурт поселенилэн администрациеныз кивалтӥсь Роза Габдулхакова вуизы.
Куноос Алтау гуртысь выль ФАП-е кожылӥзы. Калыкен пумиськонын Константин Толкачёв пенсионной системаын воштӥськонъёс сярысь кылпум ӝутӥз. Калыклэн ӵектонъёсыз-куронъёсыз эскерисько шуыса пусйиз.
Рамзил Низаметдинов Бурай ёросын гурт удысэн герӟаськем ужзэ паськытгес ӧръян сярысь малпанъёссэ шараяз: матысь дыре ёросамы 2400 йыр кысконо скалъёслы комплекс ӝутыны кутскозы, кытчы пӧртэм профильем ужасьёс кулэ луозы. Рамзил Равиловичлэн кылъёсызъя, гуртын улӥсьёслэн тужгес бадӟым сюлмаськонзы – со сюресъёслэн луымтэзы. Та пумысен Бурай ёрос администрациен кивалтӥсь Борис Нурисламов вераз, берло ёросысь10 гуртъёсы сюресъёс тупатэмын, кылдэм ужпумъёсты ваньзэ ӵош ӧвӧл, «вамышъёсын» быдэстыны тыршиськом шуыса.
Виктор МАРДАНОВ.
Бурай ёрос.
Читайте нас в