-18 °С
Салкым
Антитеррор
Вань иворъёс
Общество
31 августэ 2018, 14:09

Дышетскон юртэ сюрес медаз быры

Дышетӥсьёс понна гудырикошконлэн пумыз – ортчем дышетскон арлы йылпумъянъёс лэсьтон, ёросысь та удысын тыршись эшъёсын пумиськон но выль дышетскон арлы ужан планъёс пуктон. БР-ысь вань ёросъёсын ортчизы дышетӥсьёслэн август конференциоссы. Татышлы ёросын со 29-тӥ числое радъяськиз.

Дышетӥсьёс понна гудырикошконлэн пумыз – ортчем дышетскон арлы йылпумъянъёс лэсьтон, ёросысь та удысын тыршись эшъёсын пумиськон но выль дышетскон арлы ужан планъёс пуктон. БР-ысь вань ёросъёсын ортчизы дышетӥсьёслэн август конференциоссы. Татышлы ёросын со 29-тӥ числое радъяськиз.
Ужрадэ БР-ысь вуз каронъя но басьяськисьёслэсь правооссэс утёнъя кун комитетэн кивалтӥсьлэн воштӥсез В.А. Белов, «Газпром трансгаз Уфа» ООО-лэн валтӥсь директорез, БР-ысь Курултайлэн – Кун Собранилэн депутатэз Ш.Г. Шарипов, БР-ысь Наукаосъя академилэн президентэз А.С. Гаязов, ёросысь школаосын, нылпи садъёсын ужасьёс, гурт поселениослэн кивалтӥсьёссы, дышетонъя управлениын тыршисьёс пыриськизы.
Татышлы ёрос администрациен кивалтӥсь Р.К. Гараев дышетӥсьёсты выль дышетскон арен ӟечкылаз, Татышлы ёрос центрысь но гуртысь школаослэсь ӟеч тодон-валан басьтонын азинлыко ужамзэс но нылпи садъёслэсь дышетон удысын инъет луэмзэс пусйиз.
А.С. Гаязов вераськоназ пыртӥз таӵе лыдпусъёс: 1968-тӥ арын республикаысь школаосын 880000 нылпиос ке дышетско вылэм, 2011-тӥ арын та лыдпус 444000-лы ӵошам. (Ёросъёсын радъяськем конференциос сярысь газетмылэн вуоно номерысьтыз лыдӟыны быгатоды).