-15 °С
Салкым
Антитеррор
Вань иворъёс
Общество
30 августэ 2018, 18:00

Газет-журналъёслэн кужымзы лыдӟись бордын

2019-тӥ арлы газет-журналъёслы гожтӥськон вакытэ «Ошмес» газетлэн редакциез почтальонъёс пӧлын «Ошмес» газетлы тросгес калыкез гожтод – кузьым басьтод» конкурс ялэ. Конкурсын почта ёзэтэ пырись гуртъёсын улӥсьёслэн лыдзы учкемын луоз.

1-тӥ куарусён толэзьысен шаерамы газет-журналъёслы гожтӥськон дыр кутске. Солэсь азьвыл Башкортостан Республикалэн Тӧроез Рустэм Хамитов «Почта России» ФГУП-лэн генеральной директореныз Николай Подгузовен пумиськылӥз. Соос Башкортостан Республикаысь та удысэз азинтон сярысь кенешизы.
- Таӵе пумиськонэз кемаласьгес ни радъяно вал, - вераз Рустэм Хамитов. - Башкортостан Республика шаерамы почта ёзэтъёслэн лыдзыя азьмынӥсьёс пӧлын луэ. Соин шуг-секытъёс но ӧжыт ӧвӧл: юртъёсты тупатоно, техникаосты выльдоно… Почта удысын ужасьёслэн уждунзыя но трос юанъёс кылдэмын. Соосты ваньзэ быдэстон понна ӵошен ужано. Калыклэн Россиысь почтаез пыкылонъёсыз медаз луэ.
Россиысь почталэн 1300 ёзэтъёсыз лыдъясько. Соос пӧлысь ӝыныез гуртъёсы интыяськемын. «Соин татысь калыклы пӧртэм ласянь юрттэт возьматыны тыршоно. Гуртын улӥсь гожтэт лэзёнэн, тыл, газ понна дун тыронэн, интернет пыр басьяськонэн медаз курадӟы», - вера Николай Подгузов.
Пумиськонын Башкортостанын выль сортировочной узел ӝутон сярысь но кылпум поттӥзы. Николай Подгузов шуиз: «Уфа – Россиысь одӥгез бадӟым город. Соин ик татчы выль логистической центр кылдытон сярысь сюлмаськоно. Со 2019-2020-тӥ аръёсы ӝутэмын луоз». Выльдӥськонъёс калыклы пӧртэм ласянь юрттэт возьматон сяна, республикаямы улӥсьёсты лыдӟиськонэн но, оло, юнгес эшъяськытысалзы. Газет-журналъёслы гожтӥськон вакытэ туннэ тросэз та удыслэн ляб ужамезлы ӝожтӥсько угось.
Ольга НИГАМАТУЛЛИНА.
Читайте нас в