«Котькуд басьяськись ми дорысь шумпотыса мед кошкоз"

Россиысь Сиён-юон вузанъя X5 Retail Group компания Удмурт Элькунын ужась «Пятёрочка» магазинъёсаз удмурт кылэз кутыны кутскиз. Та нуналэ кык кылын гожтэмъёсын – ӟуч но удмурт – ог вить магазин усьтэмын ни. «Котькуд басьяськись ми дорысь шумпотыса мед кошкоз. Удмурт кылын гожтэмъёс – кулэ луись вузэз быръён но басьтон понна эшшо одӥг выль амал, удмурт кылын вераськись басьяськисьёслы гажан. Таӵе магазинъёс тужгес но кулэ ёрос центръёсын, кытын тросэз калык удмуртъёс луэ», - верало компанилэн представительёсыз.