-25 °С
Салкым
Антитеррор
Вань иворъёс
Общество
9 августэ 2018, 17:41

Ужан, шудон, «удмурт сюан» – ваньмыз со «Усточикар»

Ӵуказе йылпумъяськоз удмурт пиналъёс понна ужась «Усточикар» лагерь. Туэ со дас куатетӥ ползэ радъяськиз. Профильной лагерь республикаысьтымы но Удмурт Элькунысь сюлы матэ усточи пиналъёсты огазеяз.

Ӵуказе йылпумъяськоз удмурт пиналъёс понна ужась «Усточикар» лагерь. Туэ со дас куатетӥ ползэ радъяськиз. Профильной лагерь республикаысьтымы но Удмурт Элькунысь сюлы матэ усточи пиналъёсты огазеяз.

Туэ лагерен БР-ысь удмуртъёслэн НКЦ-зылэн кивалтӥсез Салимьян Гарифуллин кивалтӥз. Пиналъёс понна «Кызьпу туй» (ӧнерчиез Михаил Адуллин), «Дӥськут дизайн» (ӧнерчиез Елена Петрова - Дарали Лели), «Эстрада» (ӧнерчиез Вероника Романова), «Фольклор» (ӧнерчиез Андрей Красильников), «Театр» (ӧнерчиез Анна Садочкина), «Журналистика» (ӧнерчиез Мария Галеева) мастерскойёс ужазы. Нылпиослэсь котькуд нуналзэс тунсыко ортчытон сярысь сюлмаськизы вожатойёс Марина Сергеева (валтӥсь вожатой), Надежда Антонова, Ольга Садиева, Милана Мухаметшина, Любовь Ялишева, соослы юрттӥськиз Мариалина Нуриахметова. Пиналъёслэн тазалыксы понна кыл кутӥзы эмъюрттэт возьматӥсь Ксения Сакриева но физрук Руслан Камалетдинов. Крезьгурен юрттӥз Радис Гайниятов, ческыт пӧръёсын шумпоттӥзы Алёна Нигаева, Светлана Калидуллина, Расиля Зиядуллина, соослы юрттӥськизы Милана Нурисламова но Элеонора Нуриахметова. Корпусъёсты утялтӥзы Руфина Бадамшина но Зиля Хазиахметова.

Пиналъёслэн кылъёссыя, «Усточикарын» соослэн мӧзмыса, ужтэк пукыны дырзы ик луымтэ. Соосты нуналлы быдэ кык бадӟымесь но тунсыкоесь ужрадъёс витиллям: спорт ӵошатсконъёс, конкурсъёс, викторинаос, сюлмысь вераськонъёс, Чеберина но Батыр быръёнъёс, «удмурт сюан»…

- «Усточикарез» радъяны юрттэмзы понна бадӟым тау Янаул ёросысь «Агро М» но «Колхоз Восток», Татышлы ёросысь «Агро-Танып» но «Рассвет» гурт хозяйствоосын кивалтӥсьёслы Рудольф Шарафутдиновлы, Владимир Камиуллинлы, Сергей Хановлы, Альберт Минлебаевлы но «Танып» санаториен кивалтӥсьлэн воштӥсезлы Рустам Галямшинлы, Татышлы ёросысь Улысь Балтач школаен но культура юртэн, Выль Татышлыысь школаен, Вязовка культура юртэн кивалтӥсьёслы Людвиг Зидымаковлы, Ирина Шайхлисламовалы, Рудольф Гафуровлы, Фанил Нуриахметовлы, - вера С. Г. Гарифуллин.

Анай кылэз, удмурт культураез, калык сям-йылолъёсты утёнлы но азинтонлы сӥзем нуналъёс тунсыко но пайдаё ортчизы. Нылъёс но пиос трос выльзэ тодӥзы, выль эшъёс шедьтӥзы.
Миляуша БУЛАТОВА.
Читайте нас в