Вань иворъёс
Общество
31 Июля 2018, 18:24

"Эшъёсы луэмен, улонэ капчи"

«Каллен гинэ, шӧдӥськытэк нуналъёс, аръёс ортчо», - шуэ вал ӵужае.

Пичи дыръя со кылъёслэсь пуштроссэс уг валаськы вал. Нош арлыд вылэ лыдпус ватсаськемъя, улонлэсь шӧмзэ ӟечгес валаськод вылэм. Ӵужаелэсь кылъёссэ тодам вайытӥз Куеда ёросысь Гожан гуртысь Галина Широбокова. Со шуэ: «Шӧдиськытэк ортчизы аръёс. Улыны но ӧй вутскы на кадь, 81 аресам вуиськем». Та палъёсы Галина Степановна Удмурт Элькунысь вуэмын, атайзэ направлениен Гожан школае дышетыны ыстӥллям угось. Галина Степановна – газетмылэн матысь эшез. Со котькуд номерлэсь вуэмзэ чидатэк, пе, витисько. Газетэз лыдӟисьёслэн лыдзы кулэсмем пумысен но со туж сюлэмшугъяське.