Гужем – шулдыр, шудон дыр

Со сярысь интернет вотэсын Максим гуртысь модельной библиотека ивортэ. Йылоллы пӧрмем ужрад нылпиослы шудон площадкаын ортчиз. Калык сям-йылолъёсты утёнлы, тазалыкез кыдатонлы сӥзем празднике трос пиналъёс люкаськизы. Та нуналэ нылпиос кырӟазы но эктӥзы, кылбуръёс веразы, пӧртэм спорт ӵошатсконъёсы пыриськизы. «Разбивание горшка», «Бег в мешках», «Бег с ложкой во рту и яйцом», «Перетягивание каната», «Бег с коромыслом», «Национальная борьба», «Литературная викторина» шудонъёсы котькуд пинал мыло-кыдо пыриськиз. Вормисьёсты кузьымъёс витизы.

Та яркыт нунал нылпиослы капчи мылкыд, пальпотон кузьмаз. Котькуд пинал аслэсьтыз быгатонлыкъёссэ возьматӥз. Праздник дискотекаен йылпумъяськиз.