-23 °С
Яркыт
Антитеррор
Вань иворъёс
Общество
17 куартолэзе 2018, 12:19

Нылпиосты семьялэсь дунлыксэ валаны дышетоно

Туала вакытэ югдур паймымон чебер но, туж кышкыт но. Мон нылпиосын ужасько бере, соос сярысь трос передачаос учкисько, статьяос лыдӟисько, интернетын но сыӵе темаос тунсыко пото. Жаляса верано, тросаз передачаосын секыт югдуре шедем нылпиосты возьмато, кудъёссэ ке вордэм анай-атайёссы ик сыӵе секыт адӟонозь вуттӥллям. Таӵе югдурлэн «азьветлӥсь» мугез – курыт юонэн эшъяськон.

Туала вакытэ югдур паймымон чебер но, туж кышкыт но. Мон нылпиосын ужасько бере, соос сярысь трос передачаос учкисько, статьяос лыдӟисько, интернетын но сыӵе темаос тунсыко пото. Жаляса верано, тросаз передачаосын секыт югдуре шедем нылпиосты возьмато, кудъёссэ ке вордэм анай-атайёссы ик сыӵе секыт адӟонозь вуттӥллям. Таӵе югдурлэн «азьветлӥсь» мугез – курыт юонэн эшъяськон.
Сыӵе семьяын будэм нылпи, быдэ вуыса, ачиз но анай-атай луэ. Татысен кутске, дыр, солэн нуныезлы анай сюлэмзэ пыӵатыны быгатымтэ сямыз. Кызьы-о, пе, со валалоз нунызэ эркеяны, мусояны, куке со, 17 аресъем анай, ачиз но ӧз шӧды шуныт анай сюлэмез? Куке со, школаысь бертыса, выль шумпотонъёссэ веран интые, анай-атаезлэсь керетэмзэс учке, курыт синкылиосыныз небыт миндэрзэ коттэ. Сыӵе суредэн кутске пиналлэн анай сюресэз. Ужаны но валаса будымтэ пинал, юртсэ утялтыны но уг тоды, семьязэ ческыт пӧръёсыныз но уг шумпотты. Пичи нунызэ визьнодан солы мултэс уж кадь потэ. Ваньмон дырзэ ортчытэ интернетын. Нош марлы меда дышетске со отын?..
Городэ вуылыкум ас синмыным адӟисько ураме шутэтскыны потэм анайёсты. Соос коляскаоссэс выжыязы дугдытӥллям но асьсэос планшетэн яке телефонэн пуко. Яке интернетысь роликъёс, туспуктэмъёс учкисько, кытын нылпи огназ кельтэмын, нош анай компьютер сьӧрын пуке. Туж учкеме потэ вал туспуктэм, кытын ке анай, огшоры ваньмон дыръяз, нылпиезлы ас шунытсэ но визьзэ кузьма.Тӥни мар пумысен мынам сюлэмы но йыры висе. Вӧзысьтымы сыӵе югдурез адӟеме ӧвӧл ке но, профилактической ужъёс кулэ, дыр, шуисько.
Таиз ар республикаямы Семьялэн ареныз ялэмын. Со улсын, ӧй луысал меда сыӵе ужрадъёс ортчытыны, кудъёсыз вылӥын верам ужпумъёсты быдэстыны юрттысалзы? Кылсярысь, школаын дышетскисьёслы семьялы сӥзем презентациослы, сочинениослы конкурс. Аслаз ужаз пинал мед возьматоз вылэм анай-атайлэсь дунлыксэ, соослэсь яратэмзэс, котьку ӵош луэмзэс, ог-огзылэсь мӧзмемзэс. Туж кулэен малпасько егит анай-атайёслы «Центр пребывания с детьми» кылдытонэз. Отын соосын социальной педагогъёс, психологъёс ужасалзы но юрттэт сётысалзы, мастер-класс возьматысалзы, педагогической ситуациосты сэрттысалзы. Удмурт семьяын медаз лу вылэм палэнтэм нылпи! Медаз луэ вылэм юись семьяос!
Аграфена
МИНИГАЛИЕВА.
Янаул ёросысь Вуж Варяш гурт.
Читайте нас в