Гурт удысэн герӟаськем улон

Куеда ёросысь Удмурт Шагирт гуртын улӥсь Галина Касфатовалэн уж сюресэз гурт удысэн герӟаськемын. Ньыльдон одӥг ар ӵоже со хозяйствоязы тыршем. Нырысь скал кыскем, собере осеменаторлэсь ужзэ быдэсъям. Та ӧнерезлы со ачиз дышетскем, тодон-валанзэ узырмытон вылысь, вить арлы быдэ дышетонъя курсъёсы ветлэм. Галина Михайловна куинетӥ арзэ пенсиын ке но ини, со ужамысь ӧз дугды на. Гуртысьтызы «Перспектива» ООО-ын огдышем ужзэ быдэсъя. Ужасьёс но, кивалтэт но Галина Михайловнаез гажало, ужезлы вылӥ дунъет сёто.

Куеда ёросысь Удмурт Шагирт гуртын улӥсь Галина Касфатовалэн уж сюресэз гурт удысэн герӟаськемын. Ньыльдон одӥг ар ӵоже со хозяйствоязы тыршем. Нырысь скал кыскем, собере осеменаторлэсь ужзэ быдэсъям. Та ӧнерезлы со ачиз дышетскем, тодон-валанзэ узырмытон вылысь, вить арлы быдэ дышетонъя курсъёсы ветлэм. Галина Михайловна куинетӥ арзэ пенсиын ке но ини, со ужамысь ӧз дугды на. Гуртысьтызы «Перспектива» ООО-ын огдышем ужзэ быдэсъя. Ужасьёс но, кивалтэт но Галина Михайловнаез гажало, ужезлы вылӥ дунъет сёто.

Галина Михайловна Черемиска гуртын вордӥськыса будэмын. «Али мынам вордӥськем гуртэ ӧвӧл ни, быриз. Со Удмурт Шагиртлэсь кыдёкын ӧй вал. Пичи шур гинэ люке вал гуртъёсты. Школаез йылпумъяса, мон Черемискаысь фермае ужаны потӥ. Азьло гуртамы парсь ферма но вань вал, отын но ужай. Вакытаз хозяйствомы туж кужмо вал. Ужасьёс но трос вал. Бригадирын но тырши. Али гуртамы егитъёс туж ӧжыт, хозяйствоямы ужась киос уг тырмо», - вера Г. Касфатова. Галина Михайловнаез воштӥсь луымтэен ик, со ужаны пота.

1971-тӥ арын Черемискаын улӥсь егит нылашлэн улон сюресэз Удмурт Шагиртысь пияшен герӟаськем. Галина Михайловна но Вячеслав Касфатович улон сюрес кузя 47 ар артэ вамышто ни. «Пӧртэм дыръёс луизы улонамы, ми ог-огмылы юрттыса, тыбыр пыкет луыса улыны тыршим. Милям кык нылъёсмы, соос асьсэлэн семьяосынызы Пермь но Чайковский городъёсын уло. Ми доры куное ӵем вуылыны тыршо. Туннэ нуналэ кык внукъёсмы милемыз шумпотто ни», - шуэ Галина Михайловна.

Капчи мылкыдо, вераськись кышномурт кырӟаны яратэ, чебер эктэ. Гуртазы ужрадъёс ортчытон сярысь но со ӵем сюлмаське. Пӧртэм праздникъёс дыръя Галина Михайловнаез ужрадэз нуисьлы быръё. «Азьвыл ужам аръёс ноку уз вунэ. Ӵошен ужаськом, праздникъёсын ӵошен шулдыръяськиськом вал. Магазинын али кадь дӥськут ӧй вал. Выль аре кызьы быгатӥмы, озьы дӥськут тупатъяллямы. Ас киосыныд вурем костюм уката но тунсыкогес пӧрме вал. Улон шулдыр, куке сое ачид шулдыртӥськод», - шуэ кышномурт.

Туэ Удмурт Шагиртын «Русская зима» ужрад ортчем. Сое дасянэ Галина Михайловна но азинлыко пыриськем. Ульчаысьтызы сценазэс, валъёслэсь букооссэс со аслаз киосыныз тупатэм сяськаосыныз чеберъям.

Миляуша

НИГАМАТУЛЛИНА.

Пермь шаерысь Куеда ёрос.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91