-23 °С
Яркыт
Антитеррор
Вань иворъёс
Общество
20 апрель 2018, 11:25

Ож аръёсты пыр потыса

Кыдёке но кыдёке кылё Быдӟым Атыкай ож аръёс. Со кышкыт вакытэз адӟем но пыр потэм арлыдо песятайёслэн но песянайёслэн лыдзы арысь аре кулэсме. Соослэн ортчем сюресъёссы асьме понна адӟем карымон луо – улонамы пумиськись шуг-секытъёсты вормыса потыны юртто.

Кыдёке но кыдёке кылё Быдӟым Атыкай ож аръёс. Со кышкыт вакытэз адӟем но пыр потэм арлыдо песятайёслэн но песянайёслэн лыдзы арысь аре кулэсме. Соослэн ортчем сюресъёссы асьме понна адӟем карымон луо – улонамы пумиськись шуг-секытъёсты вормыса потыны юртто.
Бурай ёросысь Алтау гуртысь Шарифгали Ялаловез но война палэнтӥ ортчымтэ. Со 1928-тӥ арын 8-тӥ оштолэзе вордӥськем. Ож кутскыку солы дас куинь арес гинэ вылэм. Солэн шудо пичи дырыз, егит аръёсыз пыраклы со кышкыт дыре кылемын.
- Атайлэн мугорыз пичи луэмен, сое войнае басьтӥллямтэ. Тыныд ӧжыт будыны кулэ на шуиллям, пе, - вера Шарифгали песятайлэн пиез Айвар.
Котькинлэсь сюлэмзэ ӵушкало арлыдоослэн война сярысь тодэ ваёнъёссы. Со аръёсы солдатъёс кышкатэк тушмонлы пумит султӥллям ке, ож мышкын тыршисьёс ӵукнаысен бер ӝытозь бусыосын, ӝутӥськон удысын тыршиллям, фронтэ сиён-юон, дӥськут лэзён сярысь сюлмаськиллям, пыӵал-тӥрлык дасяллям но мукет. «Ваньмыз фронт понна! Ваньмыз вормон понна!» шуыса ужаллям соос. Шарифгали песятай но ож аръёслэсь, гурт улонлэсь вань секытлыкъёссэ ас вылаз шӧдэм.
- Милям песятаймы, Шарафи, гуртын нырысетӥ дышетӥсь вылэм. Атаймес но со лыдӟыны, гожъяськыны дышетэм. Война аръёсы атай письмоносец но луыса ужам. Фронтысь вуэм гожтэтъёсты матысьёссы доры нуыса лыдӟылэм. Тросэз калык азьло лыдӟиськыны быгатымтэ угось, - вера Айвар Шарифгалиевич. – Озьы ик атай газетъёсты вӧлмытъям. Фронтысь иворъёсын гуртооссэ тодматэ вылэм.
Вераны кулэ, Шарифгали песятай трос гожъяськем. «Ошмес» газетлэн редакцияз но со гожтэтъёс ыстылэ вал. Солэн материалъёсыз газет бамъёсын печатласькизы, гуртэзлы сӥзем «Алтау» книгаез но потэмын.
Дас сизьым аресаз Шарифгали Шарафиевичез Кемеровое ФЗО-е (фабрично-заводское обучение) ыстӥллям. Отын со одӥг ар тыршем. Собере вордӥськем палъёсаз берытскем, пудо эмъясь фельдшерлы дышетскем. Куатьтонэтӥ аръёсы гуртаз висисьёс тросгес но тросгес луыны кутскиллям. Ёрос центре эмъюртэ мыныны кыдёкын луэмен, висисьёс Шарифгали Шарафиевичлы вазиськыны кутскиллям. Пудо эмъясь ӟеч вала вылэм, солэн адямиосты эмъяны луонлыкез ӧвӧл шуыса. Соин ветфельдшер гуртаз эмъюрттэт возьматон юрт ӝутон сярысь сюлмаськыны кутскем. Та ужпумен со ёросысьтызы кивалтэтлы вазиськем. Солы дурбасьтӥллям, кор дасяны делянка сётӥллям. Нюлэс кораны Шарифгали песятай гуртоосыныз ӵош ветлэм. Озьы 1965-тӥ арын Алтау гуртэ медпункт усьтӥллям. Шарифгали Шарафиевичез направлениен фельдшерлы дышетскыны ыстӥллям.
- Пенсие потытозяз атай гуртысь медпунктын фельдшер луыса ужаз. Уйин но со доры вазиськисьёс трос луо вал. Со котьку юрттэт возьматыны тыршиз, - вера А. Ш. Ялалов. Пудо эмъян ужезлэсь но со палэнскымтэ. Шарифгали песятай – ужысь ветеран, солэн ужез трос данъян грамотаосын, тау каронъёсын пусъемын. Нош гадь вылаз – Быдӟым Атыкай ожлэн юбилейной медальёсыз.
Арлыдыз будэмъя, Шарифгали Шарафиевичлы огдышем ӧнерзэ быдэсъяны секыт луэмен, со сюлэмызлы матын луись ужен тунсыкъяськыны кутскем: вӧсьёсты улӟытон сярысь сюлмаськем. Вӧсьёсын со ачиз Инмарлы куриськылэм. «Со уженыз атай олокӧня пол Удмуртие но вуылӥз. Трос удмуртъёс улэм интые – татышлы музъеме – вӧсь корка пуктыны малпанэз но вань вал. Тыршемез юнме ӧз луы, гурт вӧсьёсты арлы быдэ ортчытъяськом. Куинь арлы огпол гуртамы бадӟым Элен вӧсь но радъяське», - вера пиез.
1952-тӥ арын Шарифгали Шарафиевич гуртысьтызы ик Дания Давлетовнаен семья кылдытӥллям. Соос тямыс нылпилы улон кузьмаллям. Секытлыкез, сютэмлыкез адӟем ке но, Ш. Ялалов юрт котырзэ ачиз утялтэ. Азьвыл тунсыкъяськем ужзэ но – сад будэтонзэ – уг вунэты. Солэн бакчаяз кедръёс но будо. Соосты Шарифгали песятай заказэн вайытэм. Валля арын кедръёсыз нырысьсэ мульы сётӥллям ни. Азьло Шарифгали Шарафиевич чорыганы но яратэ вылэм. 1953-тӥ арысен кутскыса, Ялаловъёс муш утиллям. Кылем арысен гинэ арлыдо песятай муш уг ворды ни, пе. Табере солэсь ужзэ Айвар пиез азинтэ.
Та нуналъёсы Шарифгали песятайлы 90 арес тырмиз. Трос чебересь ӟечкыланъёс кылӥз со вордӥськем нуналаз: нылпиосызлэсь, дас укмыс внукъёсызлэсь но куамын куать правнукъёсызлэсь, матысьёсызлэсь, гуртоосызлэсь.
Миляуша НИГАМАТУЛЛИНА.
Бурай ёрос.
Читайте нас в