-16 °С
Лымы
Антитеррор
Вань иворъёс
Общество
8 февраль 2018, 12:09

Выль ФАП ӧсъёссэ усьтӥз

Ӵектӥськом лыдӟыны 2018-тӥ арын тулыспал толэзе газетамы потэм материалэз.

Бурай ёросысь Алтау гуртын фельдшерско-акушерской пункт ӝутӥське шуыса гожъямы вал. Нырысетӥ тулыспалэ эмъюрттэт возьматон юрт ӧсъёссэ усьтӥз. Газетмылэн эшез Виктор Сабирьянович Марданов со сярысь гожтыса сайтаз пуктӥз ни. Вераны кулэ, Алтау гуртлэсь сайтсэ со ачиз кылдытӥз, ачиз ик отчы выль иворъёс, туспуктэмъёс интыя, гуртэзлэн улонэныз мукетъёсты но тодматэ.
- Оскыса уг быриськы, таӵе шулдыр, югыт, шуныт, бадӟым юртын висисьёсты пумитасько шуыса. Азьлоез ФАП-мы 1965-тӥ арын ӝутэм юртэ интыяськемын вал. Отын туж кезьыт луэ вал, - вера Алтауысь фельдшер Анна Фаизова. - Нырысетӥ нуналэ выль усьтӥськем юртэ трос адями вуиз. Гуртоослэн ваньзылэн адӟемзы потэ, кыӵе со выль ФАП. Со вить висъетъёслэсь сылэ. Висисьёсты одӥгаз висъетын учкисько, процедураослы висъет нимаз, со сяна, дӥськутлы, инвентарьёсты возён интыос вань, санузел тупатэмын. Шумпотӥсько, быдэс гурт шумпотэ, вакчи дыр куспын Алтауын таӵе бадӟым уж быдэстӥськиз шуыса. Ваньзылы тау кылъёсме верасько, кин пыриськиз ужез быдэстонэ.
Кызь куинь ар эмъюрттэт возьматон удысын тыршем Анна Фазылхановна гуртооссэ котьку шуныт пумита, дыраз юрттэт возьматэ. Со шуэ: «Выль ФАП-ез учкыны лыктӥсьёс трос мед луозы, нош висисьёс - ӧжыт».
Бурай ёрос.