-15 °С
Яркыт
Антитеррор
Вань иворъёс
Общество
1 февраль 2018, 16:48

"Кургакын калык тупаса улэ"

Ваньмон дырзэс, кужымзэс ӟеч ужъёслы сӥзись адямиос пӧламы трос. Гуртъёсысь старостаос но жадёнзэс валатэк калыклы пайдаё луись ужъёсты радъян сярысь сюлмасько. Кыӵе гинэ секытлыкъёсын, пӧртэм сямо адямиосын соос уг пумиськыло, озьы ке но ужзылэсь уг палэнско.

Ваньмон дырзэс, кужымзэс ӟеч ужъёслы сӥзись адямиос пӧламы трос. Гуртъёсысь старостаос но жадёнзэс валатэк калыклы пайдаё луись ужъёсты радъян сярысь сюлмасько. Кыӵе гинэ секытлыкъёсын, пӧртэм сямо адямиосын соос уг пумиськыло, озьы ке но ужзылэсь уг палэнско.
Калтасы ёросысь Кургакын вордӥськыса будэм, али дыре но отын ик улӥсь Олег Галямшин - 1997-тӥ арысен ни гуртсылэн старостаез. Общественной ужлэсь «шӧмзэ» со котькинлэсь ӟеч тодэ. Олег Григорьевич - Бадӟым Качак гурт поселенилэн Кенешезлэн депутатэз но. Солэн ужез данъян грамотаосын пусъемын. Кема ӧвӧл солы «Совет муниципальных образований РБ» ассоциацилэсь данъян грамотазэ сётӥллям.
- Общественной ужез калыкен ужам адями гинэ вала. Азьло таӵе ужлы уждун но тыро вал, ужамед трудовой книжкае но гожтӥське вал. Туннэ улон трослы воштӥськемын, - шуэ О. Галямшин.
Кылем арын, кылсярысь, кургакъёс «Программа поддержки местных инициатив» проектъя гурт урамъёссэс тупатӥзы. Со ужез радъян сьӧрын но Олег Григорьевичлы трос ветлоно луиз. Котькыӵе уж мед кылдоз - субботникъёсты, гурт вӧсьёсты, калык праздникъёсты, пӧртэм ужрадъёсты радъян-ортчытонэн герӟаськем юанъёс - кылык нырысь старосталы вазиське. «Реальные дела» проектъя Кургаке нылпиослы автобус возьман инты тупатӥзы, шудон площадка пуктӥзы. Со ужъёс но старостатэк быдэстӥськиллямтэ, дыр.
- Туэ шай котырез кенераны малпаськом. Ульчаосысь гудӟемъёсты но тупатоно. Ӵошен кариським ке, малпам ужъёсты быдэстомы шуыса оскисько. Вераны кулэ, Кургакын калык тупаса улэ. Огъя быдэстоно ужъёсы адямиос капчиен пото, - вера Олег Григорьевич. - Клубен кивалтӥсьмы Лена Шайметова калык понна пӧртэм тунсыко ужрадъёс дася. Ужрадъёсы калык трос люкаське. «Вуюись» ансамбльмы туж кужмо. Ёрос конкурсъёсысь котьку вормонъёсын бертэ. Ми ӵошен ужаськом, ӵошен шулдыръяськиськом.
Миляуша НИГАМАТУЛЛИНА.
Калтасы ёрос.
Читайте нас в