-25 °С
Салкым
Антитеррор
Вань иворъёс
Общество
11 январь 2018, 14:26

Ӝӧкмы узыр пӧртэм сиёнэн

Тӥ семьядэс маин кунояны яратӥськоды? Таӵе юанэн одноклассники сайт пыр кӧня ке эшъёсылы вазиськи.

Тӥ семьядэс маин кунояны яратӥськоды? Таӵе юанэн одноклассники сайт пыр кӧня ке эшъёсылы вазиськи.
Ирина Шайхлисламова (Татышлы ёросысь Улысь Балтач гурт): - Сӥзьылэз ум возьмаське. Кубиста ке вуэ, кубиста нянь пыжиськом, собере гордкушманлэсьсэ пӧраськом. Кубистаез пуртэн векчи юдӥсько, собере ӧжыт сылал поныса нелькисько. Котэм нянен пыжисько. Озьы ик пыжисько гордкушман нянез но. Гордкушманэз бадӟым пасё вуштонэн вуштӥсько. Вузэ пызьыртӥсько, сакыр, ӧжыт сылал, будос вӧй ватсасько.
Яратӥсько на «труба» пӧзьтыны. Зэм, сое мультиваркаын пӧзьтӥсько. Сӥль, кубиста, кешыр, картофка, сугон, сылал сураса тырисько но вылӥяз будос вӧй ватсасько.
Людмила Туйкина (Янаул город): - Туж кельше тушить карем кабачки. Со понна кабачкиез паласько, кузялэс вандыса кыклы люкисько. Собере солэсь пушсэ тазатӥсько. Табере кидысэз интые тушить карем фарш, сугон, кешыр понӥсько. Вылӥзэ вандылэм помидорен но вуштэм сырен шобыртыса, пыжытозязлы духовкае пуктӥсько.
Ольга Мустафина (Янаул ёросысь Банибаш гурт): - Яратӥсько помидорез но огречез толлы таӵе амалэн дасяны. Соосты юдэсэн вандылыса банкаосы тырисько. Вылаз сурет кисьтӥсько. Сое тазьы дасясько: куинь литр вуэ ӝыны стакан сылал, 1 стакан сакыр, 1 бадӟым пуньы укроп кидыс, 5-6 бадӟым пуньы уксус поныса, 5 минут быректытӥсько. Собере суретэз банкаосы тырисько, 2 бадӟым пуньы будос вӧй ватсасько. Банкаосты 10 минут стерилизовать карисько но корт ӵоксэтэн ӵоксасько.
Алёна Тимерханова (Удмурт Элькун): - Милям семьяямы артистъёс бере, пӧраськыны-пыжиськыны дыр туж ӧжыт. Туэ Иван (ред. - Иван Котельников) кабачкилэсь икра дасяз. Рецептсэ интернетысь шедьтэм. Икраез туж ческыт пӧрмем. Нош мон тужгес яратоно губиме – лӥялгуби – мариновать кари. Одӥг килограмм лӥялгубилы сурет дасян понна кулэ луиз: 2 стакан ву, 1 бадӟым пуньы уксус, шӧмызъя сылал, 2 кумызь, 2 гвоздика. Эн вунэтэ, губиез мариновать каремлэсь азьвыл тазатоно но кык пол быректытоно шуыса.
Дасяз Ольга
НИГАМАТУЛЛИНА.
Читайте нас в