Ӵошен котьку шулдыр

Гуртысьтымы библиотека бордын «Оптимист» клуб ужа. Отын ми нылкышноосын ӵош тазалыкез кыдатон бордын тыршиськом, киужъёсын выриськом, сюлмысь кырӟаса пукиськом.

Алигес ми выльысь библиотекае люкаськылӥмы. Бакчаысь но юрт котырысь ужъёсты йылпумъям бере, киужлы но дыр шеде. Туннэ тросэз асьсэлэн киосынызы пӧртэм арбериос лэсьтыны ярато. Шудекысь нылкышноос но сыӵеос пӧлы пыро. Люкаськонамы ми паймыса учкимы Людмила Хайретдиновалэсь киужзэ. Та нуналэ со милемлы «Коврик из колготок и носков» мастер-класс возьматӥз. Табере ми но вуж носкиосмылы выль улон сётыны быгатомы, ог-огмылэсь выль киужъёслы дышетскомы.

Людмила САДЫКОВА,

гуртысь библиотекарь.