-18 °С
Лымы
Антитеррор
Вань иворъёс
Общество
9 ноябрь 2017, 14:05

Музъем уж бордаз кыске

«1940-тӥ арын Якутиын вордӥськи, - ас сярысьтыз веранзэ кутскиз Купченей гуртын улӥсь Леонид Матвеев. - 1937-тӥ арын анаен атай отчы ужаны кошкиллям. Соос зарни поттонын тыршиллям. 1941-тӥ арын Быдӟым Атыкай ож кутскиз. Та арын ик атаймес но кышкыт оже келямы». Леонид Григорьевичлы атаеныз пумиськыны кылдымтэ ни. 1943-тӥ арын со Ленинград вӧзын бырыны шедем. Атаез оже кошкыку Лёня агайлы арес но ньыль толэзь сяна вылымтэ. Анайзы кык пиосыныз вордӥськем палъёсаз берытскем. Леонид Григорьевичлэсь Василий агайзэ гурт калык али ке но тодэ на, луоз. Гуртын со нырысьсэ куараен кино возьматэм. Со колхоз сярысь вылэм. Леонид Григорьевич кинолентаез туннэ нуналозь но уте на.

«1940-тӥ арын Якутиын вордӥськи, - ас сярысьтыз веранзэ кутскиз Купченей гуртын улӥсь Леонид Матвеев. - 1937-тӥ арын анаен атай отчы ужаны кошкиллям. Соос зарни поттонын тыршиллям. 1941-тӥ арын Быдӟым Атыкай ож кутскиз. Та арын ик атаймес но кышкыт оже келямы». Леонид Григорьевичлы атаеныз пумиськыны кылдымтэ ни. 1943-тӥ арын со Ленинград вӧзын бырыны шедем. Атаез оже кошкыку Лёня агайлы арес но ньыль толэзь сяна вылымтэ. Анайзы кык пиосыныз вордӥськем палъёсаз берытскем. Леонид Григорьевичлэсь Василий агайзэ гурт калык али ке но тодэ на, луоз. Гуртын со нырысьсэ куараен кино возьматэм. Со колхоз сярысь вылэм. Леонид Григорьевич кинолентаез туннэ нуналозь но уте на.
Лёня агайлэн быдэс ужан сюресэз гурт удысэн герӟаськемын.Трос кужымзэ со сакыр кушман будэтонлы сётӥз. «Чукиндэрез тракторен кизьылӥмы. Пугачёво нимо колхозамы 50 гектар пала сое кизёзы вал. Одӥг семьялы 2-3 гектар чукиндэр утялтыны сётылӥзы. Сое кык-куинь пол уриськомы вал. Киын октыса, машинаосы но киын ик тырылӥмы. Погрузчикъёс ӧй вал. Секыт уж, - вера Лёня агай. – Али уж трослы капчиямын ни».
Леонид Григорьевич сакыр кушман будэтонын сяна, зернотокын но тыршиз. Ю-нянь октон вакыт куинь сменаен ужаломы, пе, вал. «Уйин кык часозь ужасько вал но, ӵукна сизьымын гурт калыклэсь йӧлзэ люканы потӥсько вал, - вера Леонид Григорьевич. – Т-16 трактореным калыклэсь но колхозлэсь йӧлзэ Ермекеевое нуллӥ. Отысь бертыку гуртысь магазинэ нянь вайыса бертылӥ. Азьло магазинын нянь уггес луы вал». Гумыраз тракторен ужам Лёня агай корт эшеныз али но уг люкиськы на. Кунянъёслы турын ворттӥсько но юрт котырысь мукет чыры-пыры ужъёсты, пе, быдэсъясько.
Леонид Григорьевич кузпалыныз вить нылпиос будэтӥзы. Ӵошен соос 45 ар ӵоже синмаськымон шудо улӥзы. Жаляса верано, Клавдия кузпалыз дас арлэсь кема пӧламы ӧвӧл ни. Матвеев кузпалъёс нылпиоссылы ужез яратон но гажан мылкыд пыӵатӥзы. Котькудзы соос адӟем карымон, тыршыса но ог-огзылы юрттыса уло. Кузпалъёслэн Коля пизы но атаез выллем музъем бордын тырше. Со ю-нянь, турын будэтэ. Бусы ужъёсы пиоссэ но кыске.
Леонид Матвеев Сергей пиезлэн семьяеныз ӵош улэ. «Дорамы ваньмы люкаськыку одӥг ӝӧк сьӧры ум тэриське», - нылпиосыныз данъяськыса вера дас куать внукъёсын но дас правнукъёсын узыр песятай но ӵужатай.
Марина НИКОЛАЕВА.
Ермекей ёрос.