Шоркарамы концертъёс но адӟытонъёс радъяськозы

Башкортостан Республикалэн кылдэмез дырысен 100 ар тырмонлы сӥзьыса, Москваын пӧртэм концертъёс но адӟытонъёс радъяськозы. Со сярысь вераз Республикалэн Тӧроез Рустэм Хамитов.

- Республикалэсь 100 ар тырмонзэ паськыт ортчытыны малпаськом. Соин ик шоркарамы но пӧртэм ужрадъёс дасяны чакламын. Соос 2018-тӥ арлэн пумаз – 2019-тӥ арлэн кутсконаз радъяськозы. Шоркармылэн Правительствоеныз но Федеральной Собраниен со сярысь вераськемын ни, - вераз Рустэм Закиевич. – Соос юрттэт возьматом шуыса оскытӥзы. Та выллем пумиськонъёсты ми нырысьсэ ум ортчытӥське. Солэн радлыкез тодмо ни. Вераны кулэ, ужрадъёсын республикаысьтымы суредасьёслэн ужъёсынызы тодматэм потэ. Тросгес калык мед тодоз, Башкортостанын суредаськонъя кужмо школаос ужало шуыса.

«Башинформ».