-15 °С
Лымы
Антитеррор
Вань иворъёс
Общество
26 Октябрь 2017, 12:34

Дано нимзы ноку уз вуны

Бурай ёросысь Байшады гуртын улӥсьёслэн одӥг бадӟым малпанзы вал – Быдӟым Атыкай оже пыриськемъёслы сӥзем обелиск пуктыны. Туэ соослэн малпанзы быдэсмиз.

Бурай ёросысь Байшады гуртын улӥсьёслэн одӥг бадӟым малпанзы вал – Быдӟым Атыкай оже пыриськемъёслы сӥзем обелиск пуктыны. Туэ соослэн малпанзы быдэсмиз.
- Уж мар бордысен кутскиз? Нырысь ик юртысь юртэ пыраса оже пыриськемъёс сярысь юалляськоно луиз. Котькин жугиськонэ кошкем песятаез, ӵужатаез, атаез но матысьёсыз сярысь пыр-поч вераны тыршиз. Собере «Книга памяти» бордын кема пуконо луиз. Одӥг ветеранмылэн но нимыз гожтӥськытэк медаз кыльы шуыса сюлмаським, - вера гуртысь клубен кивалтӥсь, та ужез быдэстонэ трос кужымзэ понэм Зухра Багаутдинова.
Обелисклы материал басьтыны Тепляк гурт поселенилэн бюджетысьтыз коньдон висъяськиз. Нош ужез радъянэз ас вылаз басьтӥз гуртысь ужбергатӥсь Геннадий Гильмаутдинов.
- Ужазы Татышлы ёросысь Акбулат гуртысь мастер Биларит Валинуров, Байшадыысь Никита Шарипов, Андрей Багаутдинов, Рафит Минникузин но гуртлэн старостаез Валентин Гарейшин. Ож лудын геройлыко бырыны шедем гуртоосмылэн но вормонэн берытскем ветеранъёсмылэн нимъёссы табере из вылэ пыраклы гожтӥськыса кылизы. Обелиск усьтон – со ми понна туж бадӟым уж, - вера З. Багаутдинова.
Обелискез усьтон ужрадэ Тепляк гурт поселенилэн администрациеныз кивалтӥсь Мадис Раянов но пыриськиз. Со пусйиз, макем бадӟым инты басьтэ та быдэстэм уж гуртоослэн улоназы.
- Нылпиос, внукъёс ноку медаз вунэтэ Быдӟым Вормон ваемъёсты. Асьмелы шудо улон кузьмам ветеранъёсмылэсь нимъёссэс выжыысь выжые выжтон – со котькудмылэн сюлмаськонмы, - гуртоосызлы вазиськыса шуиз Геннадий Аскарович.
Миляуша БУЛАТОВА.
Бурай ёрос.