-18 °С
Салкым
Антитеррор
Вань иворъёс
Общество
12 Октябрь 2017, 12:07

«Мон гуртын улӥсько. Мон шудо!»

Гуртысь нылкышно. Кин со? Гурт удысын тыршись гинэ со ӧвӧл. Вашкала дырысен гурт пӧртэм-пӧртэм воштӥськонъёсты ас вылаз шӧдоно луэм: кылсярысь, «крепостное право», революциос, ожмаськонъёс… Озьыен, со воштӥськонъёс гуртын улӥсь нылкышноосты но палэнтӥ ортчиллямтэ. Кыӵе ке но секыт луэм, кышномурт юртъер котырзэ но ӝикыт возьыны тыршем, нылпиоссэ но утялтыны вутскем, ужысь кузпалзэ ческыт сиёнэн, пыжиськыса пумитам. Зэм, али улон воштӥськемын. Гуртысь нылкышноослэсь улонзэс вашкалаеныз уд ни ӵошаты. Озьы ке но, гуртын уж котьку вань: кышномуртлы ужтэк пукыны уг кылды.

Гуртысь нылкышно. Кин со? Гурт удысын тыршись гинэ со ӧвӧл. Вашкала дырысен гурт пӧртэм-пӧртэм воштӥськонъёсты ас вылаз шӧдоно луэм: кылсярысь, «крепостное право», революциос, ожмаськонъёс… Озьыен, со воштӥськонъёс гуртын улӥсь нылкышноосты но палэнтӥ ортчиллямтэ. Кыӵе ке но секыт луэм, кышномурт юртъер котырзэ но ӝикыт возьыны тыршем, нылпиоссэ но утялтыны вутскем, ужысь кузпалзэ ческыт сиёнэн, пыжиськыса пумитам. Зэм, али улон воштӥськемын. Гуртысь нылкышноослэсь улонзэс вашкалаеныз уд ни ӵошаты. Озьы ке но, гуртын уж котьку вань: кышномуртлы ужтэк пукыны уг кылды.
Калтасы ёросысь Вылысь Тыхтем гуртысь Олеся Шифаратдинова сярысь гуртоосыз ушъяса, шунытэсь кылъёс гинэ верало. Со – котьмалы, пе, усточи, котькытчы вутске, киужъёсын вырыны яратэ. Школа бере со Нефтекамскын парикмахерлы дышетскем. Быдэ вуыса, нылашлэн улон сюресэз гуртысьтызы ик пияшен, Артурен, герӟаськем. Та дыре соос яратоно кузпалъёс луон сяна, шудо анай-атайёс но. Нылъёссы школаын дышетско, Арина витетӥ классэ ветлэ, нош Алина – куинетӥе.
Школаын дышетскыкуз ик Олеся гуртысьтызы «Ингур» ансамбле пыриськем. Татчы ик ветлэ вылэм Артур но. Соку ик соос куспын яратон тылгизьы ӝуатскем. «Милемды «Ингур» огазеяз», - пальпотыса вера Олеся. Артур «Новый путь» СХПК-ын ужа. Со - сварщик но, механизатор но, завгар но. Кузпалыз ужын бере, дорысьтызы вань сюлмаськонъёс – Олесялэн пельпумъёсыз вылын. Шифаратдиновъёс куинь скал, куинь кунян, гид тыр ыжъёс, пе, вордӥськом. Соос вӧзы вазь тулыслы быдэ ӟазегъёс, курегъёс ватсасько на, пе.
2006-тӥ арысен артэ вамышъясь кузпалъёс кык ар Нефтекамск городын но улӥллям. Но сюлэмзы гуртэ куриськем. «Молодая семья» кун программаен пайдаяськыса, соос выль юрт пуктӥллям. Выль корказы выжем бере, Олесялэн киужен вырон мылкыдыз кылдэм. Маръёс гинэ со уг пӧрмытъя! Курикен но, веньёсын но быгатыса керттӥське. «Культура юртамы ужрадъёс ортчытыку, киужъёсын адӟытонъёс но дасяно луэ. Соку ми одно ик Олеся Ринатовналы вазиськиськом. Со ноку уг пумитъяськы. Гуртын ортчоно ужрадъёсы но со азинлыко пыриське», - вера культура юртын ужась Виктория Камидуллина. Гуртын ужлэн тросэзлы Олеся уг ӝожтӥськы. Пичиысен ужаны дышыса будэм егит анай котьмае капчи мылкыдын, шумпотыса быдэсъя. «Мон гуртын улӥсько. Мон шудо! Мынам малпамея, шуд – со тазалык, семья, ог-огдэ валан но кенешыса улон», - шуэ Олеся Ринатовна.
Миляуша БУЛАТОВА.
Калтасы ёрос.
Читайте нас в