-15 °С
Яркыт
Антитеррор
Вань иворъёс
Общество
21 Куарусён 2017, 13:06

Кужымзэс жалятэк тыршо

Музъем лымы шобретсэ куштэм бере, бусы ужасез гуртысь шер пумиталод. Соос трос дырзэс но кужымэс ю-нянь будэтонлы, пудо сиён дасянлы сёто.

Бурай ёросысь Алтауысь Андрей но Олег Гайдуллинъёсты но гуртысь шедьтыны шуг, пе. Пиен атай ӵукнаысен ӝытозь бусыын тыршо. Озьы ке но милемлы Гайдуллинъёсын пумиськыны кылдӥз. Андрейлэн «МТЗ-1221» тракторез тӥяськыны шедьтэм. Соин сое гурт урамын корт эшсэ тупатъякуз «кутӥм».
Строительлы дышетскем егит пияш (отын кӧня ке гинэ ужаса, пе, вуттӥ) гурт удысын вить арлэсь кема тырше ни, со пӧлысь кыксэ – «Победа» ООО-ын. Оскымон ужасьлы арлэн пӧртэм вакытъёсаз уж шеде. «Тулыс кукуруза кизи. Собере турын вуиз. Сое прессовать каронын тырши. Курое потомы ни, - вера капчи мылкыдо, ужлэсь кышкасьтэм бусы ужась. – Толалтэ шутэтскисько». Шонергес вераса, арлэн та вакытаз музъем ужасьёс тупатъяськон ужъёс бордын тыршо. Андрей Олегович техникаез ӟеч вала. Пичи дырысен атай сьӧрын ветлэм бере, тракторез умой, пе, тодӥсько. Атаез, Олег Александрович, улонэзлэсь куамынлэсь трос арзэ гурт хозяйствоез азинтонлы сӥзе ни. Со пӧлысь 28-сэ стогометэн ужаз. Куро, турын люказ. Тулыс кизёнын тыршиз. Озьы со гурт хозяйстволэн азинсконаз бадӟым люкет пыртэ. «Ужаммы понна уждун басьтӥськом, ю тысь но турын дунтэк сёто», - верало соос.
Марина НИКОЛАЕВА.
Бурай ёрос.
Читайте нас в