Яратӥськоды-а кино учкыны?

Татьяна ШАЙБАКОВА, Татышлы ёрос: «Киноосты телевизорысь яке компьютер пыр учкисько, нуналлы быдэ. Яратоно киноосы: «Офицеры», «Молодая гвардия», туалаосыз пӧлысь – «Громовы». Яратоно актёръёсы: Людмила Чурсина, Нонна Мордюкова, Василий Лановой, туалаосыз – Глафира Тарханова но Иван Жидков. Конешно, кинолэн пуштросэз валтӥсь инты басьтэ. Со киноын ик яратоно актёред ке шудэ – кык полэс шумпотон. Туннэ нуналэ огшоры адямиослэсь улонзэс возьматӥсь киноос туж ӧжыт. Пумисько ке но, соос, шуом, искажать карыса возьматэмын».

Ульяна ГИНИЯТОВА, Уфа город: «Ӵемысь кино учкыны тыршисько, ваньмон дыры луыку. Яратоно киноос пӧлысь одӥгез – «Свадьба в Малиновке». Яратоно актёръёсы – Шукшин, Никулин, Вицин, Моргунов, Хабенский, Анджелина Джоли, Дженифер Лопес но мукетъёс. Учконо кинолэн пуштросэз но умой мед луоз, яратоно актёре но отын мед луоз. Уг тырмо юмористической киноос».

Вероника ГАЛЛЯМШИНА, Янаул ёрос: «Кино шер учкисько, ӵемгес учкыны но пумит ӧй луысал. Кельшо мелодрамаос, индийской фильмъёс. Яратоно актёръёс сярысь ке верано, нимтулъёссэс сурало шуисько, мон соосты туссыя гинэ ӟеч тодӥсько. Кинолэн пуштросэз бадӟым инты басьтэ. Берло дыре улон дунлыкъёсын (жизненные ценности) киноос уг тырмо».

Ирина НАЗМУТДИНОВА, Ижевск город: «Арняяз огпол кино учкисько. «Вчера закончилась война» - яратоно киное. Нош яратоно актёре – М. Боярский. Кинолэн пуштросэз валтӥсь инты басьтэ. Тросгес мед луысазлы патриотической киноос, ӧжытгес - «туалетной юморен» американской фильмъёс».

Игорь АХМАТУЛЛИН, Пермь шаерысь Куеда ёрос: «Туж ӵем кино уг учкиськы, дыр луыку гинэ. Яратоно киноос – «Вам и не снилось», «Большая перемена». Актёръёс М. Боярский, В. Галкин но А. Домогаров кельшо. Учкем кинолэн мур пуштросэз валтӥсь инты басьтэ. Туала улонын совето вакытысь но патриотизмлы сӥзем киноос уг тырмо».