-18 °С
Салкым
Антитеррор
Вань иворъёс
Общество
17 ноябрь 2016, 02:00

Одӥг проектэн кык бадӟым ужъёссэс быдэстозы

Туэ Янаул ёросысь Максим гурт поселение «Программа поддержки местных инициатив» проектэ пыриськон понна бадӟым ужъёс нуиз.

Туэ Янаул ёросысь Максим гурт поселение «Программа поддержки местных инициатив» проектэ пыриськон понна бадӟым ужъёс нуиз. Та вакытэ гурт калык но пӧртэм малпанъёссэ шараяны тыршиз. Котькуд гуртлэн аслаз сюлмаськонэз вылэм. Нош Вылысь Барабановкаын улӥсьёслэн тросэз культура юртсэс тупатыны мылкыдзэс веразы.
Зэм, солэсь липетсэ соос «Единая Россия» партилэн «Реальные дела» проектэзъя воштӥзы ни вал. Но кирпич юртлэн тусыз озьы гинэ ӧз воштӥськы, укно синъёс али ке но мӧзмыт учко. Соин выль проектъя клублэсь ӧссэ, укнооссэ тупатыны малпазы. Юрт пушкын оло озьы шунытгес но луоз? Гурт калыклэн малпанэзлы быдэсмыны кылдэм на вылэм – вылысь барабановкаослэн проектсы конкурсэз ортчиз. Сое быдэстон понна инициативной группа но бадӟым уж нуиз. Соос, кылсярысь, туннэ гурт калыклэсь коньдонзэ люкан сярысь сюлмасько. Проектлэн куронэзъя, программае калык но аслэсьтыз люкетсэ пыртыны кулэ угось. Вылысь барабановкаос коньдонэн герӟаськем ужез Станислав Набиуллинлы, Евгений Гизитдиновлы, Венарий Васиуллинлы, Ульяна Шафиевалы но Вероника Мардамшиналы оскизы.
Тупатӥськон ужъёс йылпумъяськем бере, вылысь барабановкаосты нош ик воштӥськонъёс витёзы на. Собере соослэсь фельдшер пунктсэс клублэн юртаз выжтозы. Али фельдшерзы Вероника Мардамшина 1976-тӥ арын ӝутэм пулэсь юртын ужано луэ. «Выльдӥськонъёс висисьёсты шуныт юртын пумитаны юрттозы», - осконзэ вера клубен кивалтӥсь Венарий Васиуллин. Озьы Вылысь Барабановкаын одӥг проектэн кык бадӟым ужъёссэс быдэстозы.